› 選擇地區
三藩市
紐約
洛杉磯
其他美國地區
香港 台灣 北美
 
2018年12月08日

年僅25歲 賭業地產慈善瓣瓣有
何猷亨:時間係逼出嚟

【人物專訪】何猷亨從沒接受過專訪、沒深入講過自己,沒有人知道他是英超球隊阿仙奴粉絲兼擅踢左閘,更沒有人知道他打過酒店暑假工、被人用檸檬掟落制服。外界只知道,他是賭王四房長子、上市公司澳博(880)助理營運總裁、「葡京人」創辦人和保良局總理,以及偶爾登上娛樂版。叫他形容自己,他說:「冇啊,我個人做嘢冇乜特別,通常我係just get it done,我唔係一個咁型嘅人。」你說呢?
記者:張浚浩

相關新聞:明言想入澳博董事會

第一次近距離見亨少,25歲年輕小伙子,大眼高鼻有賭王影子,一身西裝筆挺,僅西裝褲有點寬鬆,「為咗你呢單嘢(訪問),我5點先瞓,等我唞唞氣先。」亨少每日港澳兩邊走,忙得交關,「瞓到5個鐘好好喇,有時呢間房講幾句,聽完跳過隔籬房繼續做囉。」當日是他第三個訪問,「時間係逼出嚟」。

做過酒店接待 被客扔檸檬

要數近期代表作,自然是澳門綜合度假村葡京人,近月才召開完記者會,母親四太梁安琪是大股東,而他則擔大旗,由諗項目意念、傾品牌酒店、落地盤考察,乃至對外講解統統攬上身,明眼人一看就知是考牌作。他說:「每一個項目都係考緊一個牌,每個項目個牌都唔同,今日考私家車牌,聽日考小巴牌,後日可能考巴士牌,都會好畀心機攞最好成績」。

他講了幾次讀書麻麻,自己全靠「實戰」累積了經驗,曾做過酒店、證券行和投資銀行。例如16歲那年,第一份暑假工,一個太子爺到國際五星級酒店打工,不是坐辦公室指點天下,而是接待、送餐和執房。他說,當時一名國際級女歌星與女兒入住,點了雪碧,杯底附了檸檬。「個小朋友將塊檸檬攞起,話I don't want a lemon,跟住掉咗落我件衫上面,我一世都記得」。

有沒有嬲?「當時我係話OK冇問題,我換個杯畀你。」「(以後住酒店)非常之好態度,因為自己親身經歷過。」自此與酒店結緣,在澳博新項目「上葡京」有參與傾品牌酒店;而葡京人兩間主題酒店「LINE FRIENDS」及「歐舒丹」更是由頭跟到尾。

打造主題酒店 靠一個靈感

講到「LINE FRIENDS」,特別開心,他說全靠一個靈感激發。「我哋最初只不過叫佢哋嚟開舖,開會突然間我諗到話,其實想整character酒店,就問有冇打算呢方面研究吓。」「有時啲靈感,夜晚想瞓未瞓着突然嚟,一嚟就唔會畀自己停。」就連酒店大堂小雞Sally裝置,都是靠一個意念。「我話不如研究吓直頭將佢(Sally)變做一盞吊燈啦,畀人感覺似隻識飛嘅雞。」簡單一句,一拍即合,由頭到尾一年傾成。整個項目葡京人預期2020年開幕。

25歲仔身兼數職,自然忙忙忙,睡眠越來越少,壓力越來越多,坦言沒空留意消防處吉祥物「任何仁」,平日解壓就靠高爾夫球及踢波,「其實我都係一個年輕人,都會吃喝玩樂、做吓運動。」問到支持哪一隊及踢哪個位置?他猶豫半响,方答──阿仙奴、左閘。那麼做生意是前鋒還是後衞?「中場,因為唔同角度都係咁踢個波過嚟畀你。」

最後,賭王何鴻燊講過,自己不會賭錢,亨少亦說不會賭錢,但將一副啤牌拿到他面前,着他揀一隻代表爸爸與自己時,他說「(爸爸)係King囉,我會想做隻9仔」。9點在牌局中的意思,你說呢?

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載