› 選擇地區
三藩市
紐約
洛杉磯
其他美國地區
香港 台灣 北美
 
2018年12月14日

富衛王君傑:當年斷手都照送保單

【人物專訪】王君傑(Jeff)九十年代中大會計系畢業,隨即加入保險業任前線代理,當年算是非常罕有,社會對這行業印象如何,他沒有直接說,只道出一個小故事:「第一年做嘢,有周刊記者搵我做訪問,1個月後報道出版,標題係〈保險業龍蛇混雜 大學生舞小姐入行〉。」

畢業即入行 母親幾乎流淚

27年過後,Jeff由一人代理,變成李澤楷旗下富衛香港管理近2,700名代理的主管。他堅信保險代理是專業,並以一句美國諺語總結多年銷售之道:「people don't care how much you know until they know how much you care.」

現任富衛港澳區首席營銷總監的Jeff,直認九十年代畢業時,是「王氏家族」中罕有大學生,當全家人替他高興時,竟然加入一間英資保險公司任前線代理。Jeff接受《蘋果》專訪時回憶當年母親得知消息,幾乎流淚,「佢問我係咪俾人落咗降頭!」當年做保險業前線,10個入、7個出,Jeff留低,三個月做足一年要求。最初的人際網絡是自己大學同學,「當時師兄話,見三幾個人,總有一個幫你買,個ratio係啱嘅。」

入行初期,他曾向一位客人力銷人壽保險,可惜徒勞無功,「咁啱之後踢波拗斷手,去醫院打石膏,呢個客打畀我,話唔買壽險,淨係買旅遊保險。我梗係做啦。」「不過當時無email,我就出一份hard copy,打住石膏直接送份正本去機場。」斷手都親自送保單,該客戶及後亦買入一份人壽保險。

出道短短數年,Jeff由前線代理轉了另一條跑道,幫公司增聘銷售團隊。他坦言挑戰更大,「搵志同道合嘅人,要佢轉行,需要時間心機,見嘅人數比賣保險仲要多。」Jeff在英資行年代銷售團隊最多達200人,坦言其管理角色是確保團隊生產力夠強,但不相信「捽數」能夠成功,反而是營造一個人人都可以做百萬圓桌(MDRT)的氛圍,「其他人受到氣氛影響,就會向上游。」

Jeff近年轉戰富衛香港,由管200人到2,700人,「以前會集中培育中層經理,現時接觸的都是總監級嘅人,本身好叻好有成就,會諗下點work得更好,同埋要諗產品sell唔sell得。」未來富衛五年希望代理人數升至最多近5,000人,Jeff形容很大可能做到,但更希望是生產力同時提升。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載