› 選擇地區
三藩市
紐約
洛杉磯
其他美國地區
香港 台灣 北美
 
2018年12月22日

80後花470萬買尚譽
163呎劏房戶業主:起碼係自己地方

北角單幢盤尚譽只提供百餘個單位。

【周末專題】「納米樓」大行其道,80後陳先生今年5月以約470萬元買入恒地(012)北角尚譽一個163方呎劏房,他接受訪問坦言,社會出現共享空間,既然買不到樓的人會共享一個空間,那麼163方呎劏房總算是獨立空間、「起碼係自己地方」,單位將用作投資收租,把劏房視為未來換樓踏腳石。
記者:陳家雄
攝影:何耀勤

相關新聞:活用升降飯枱增空間

與家人居住的陳先生表示,買樓當儲錢,心儀地區包括北角、大角嘴及紅磡,一定揀多人租的地方,儲錢當然儲在一些有價值的地區。他參觀過鰂魚涌君豪峰,因為對正「大酒店」,所以不喜歡。再參觀北角君譽峰,周圍有高樓大廈,估計單位景觀被遮擋,故沒有買入,他最後選擇了尚譽。

「點都要有獨立空間」

陳先生斥資約470萬元買入實用163方呎劏房,他表示:「社會出現共享空間,買唔到樓嘅人會共享埋一齊,住一間大房。但自己就唔想,點都要有一個獨立嘅空間,起碼係自己地方囉!」

他續稱:「現時買嘅單位,細就梗係細㗎啦。租唔出,自己可以入去住,百零呎都無問題,自己一個人,但如果有伴侶,咁梗係住唔過。再者,我點都要3年後先可以賣,3年後係點都好,我起碼叫儲咗一嚿錢,呢一層樓都叫供咗3年啦,我咪攞呢層樓去換一層大啲㗎囉。到時再諗換樓,舒服啲,大啲。每個人都想買大啲,買好啲㗎啦!二手都諗過,但太舊,又要花錢裝修。」

接受訪問當天,中美貿易戰尚未有暫時停火90日協議,正值樓市轉勢之際,他坦言:「後悔就無,預計過有機會冧。冧咗最壞嘅打算,我諗都供到。當然跌,梗係唔開心,但買樓唔係睇半年、一年、兩年,係3至5年嘅投資,3年同5年後係乜環境,無人知!我當係月供股票。」

相關新聞:驗樓師:整體僅78分

叫租1.5萬 回報3.6%

他又指:「如果5月無買,現時仲夠唔夠膽入呢,其實未必夠膽。行咗第一步,再望一望係咩境況,我都想試一試,400幾萬話多唔多,話少唔少,所以想試吓囉!」目前他將劏房放租,每月叫租1.5萬元,扣除管理費,回報率約3.6%。代理表示,項目現有約27個單位放租,其中,163方呎單位尚未有租賃成交,同類單位普遍叫租1.5萬元。早前一個高層D室,實用167方呎,月租1.55萬元,呎租92.8元創項目新高。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載