› 選擇地區
三藩市
紐約
洛杉磯
其他美國地區
香港 台灣 北美
 
2018年12月30日

財經專題:東方表行淡市求生
「唔得啲舖閂咗佢」

自內地反貪後,對本港零售市道及奢侈品市場有重大改變。內地遊客來港消費習慣不同,昔日豪氣送禮不再,珠寶鐘錶行業亦作出應變。本港龍頭鐘錶零售商東方表行,對來年奢侈品市場走勢不太樂觀,集團實行淡市三招求生術,控制成本,舖租「計唔惦數,就閂埋間舖,無謂做落去」。
記者:黃朗鈞

東方表行集團執行董事林慶麟認為,中美貿易戰搞亂全球經濟,「佢(指特朗普)做嘢出人意表,大家都估唔到!佢今日可以話一,聽日可以話二,後日可以話一、二都唔係,其實係三,我哋好難跟!」集團除「穩守突擊」外,無激進地擴充開舖,更重要控制成本。林氏表示,從2013年自由行巔峯期回落,「我哋計完成本後,唔得嗰啲(舖)就閂咗佢,得嗰啲就保留,減存貨,改善財務減低營運成本」。

嚴控租金改善盈利

他指,公司營運兩大經常開支,第一是租金,第二是薪金,最低工資下,底薪不能減;佣金跟隨市況浮動,難以控制,所以向租金着手,若我們能將租金減少約四成,公司每年便會多出逾數千萬元利潤,純利可獲改善。東方表行於皇后大道中100號的旗艦店,乃該廈2006年落成時首批租戶,在中環開業12年,見證一代中環人誕生,該舖將於來年3月尾結業,搬遷至同街較前的陸佑行。

他坦言,旗艦店舖空間過大,若搬去一個較細的地方,成本較易操控,人手開支減少,利多於弊。目前開舖策略,林說:「要計得掂條數,計唔掂條數,我一定係閂埋佢,無謂再做落去!」減省成本後,該集團11月發盈喜,指截至今年9月底止,半年盈利達6,400.5萬元,按年增長39.04%。

內地豪客一去不返

儘管盈利好轉,但豪客一去不返。他憶述,自由行巔峯期間,內地客一般不問價,有幾多買幾多。惟內地打貪,內地客購物心態由「送禮」轉成「自用」。他說,「送禮唔會計較款式同埋價錢,但自用,你就會好計較。你會問多兩次,會挑剔好多,所以現時可能係買一隻兩隻。」

他又指,例如勞力士,「香港人鍾意買運動型,內地人鍾意一啲傳統型,簡單嘢;Patek Philippe,內地富二代鍾意多閃石,香港人鍾意冇閃石;內地人鍾意帶黃金錶、紅金錶,唔帶白金錶,但香港人就鍾意帶白金錶,完全相反。」香港人重視功能性多,內地客則重視外觀性,「喜歡多啲(鑽)石,要夠搶眼,五條街都見到」。若談保值,二手網上勞力士及Patek Philippe的價格一般較好,普遍會選擇這兩款。

目前集團售出手錶,八成售價低於20萬元,該類大額鐘錶銷量較巔峯期少一成,反而價格介乎5萬至10萬元中檔腕表銷情最理想,存貨金額亦由2013年約21億元,減持至目前約9至12億元。客源分佈約六至七成為內地客,三至四成為本地客。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載