› 選擇地區
三藩市
紐約
洛杉磯
其他美國地區
香港 台灣 北美
 
2019年01月03日

向買家回佣恐倒蝕

【本報訊】信置(083)觀塘凱滙第4輪開售後才公佈代理佣金為1.7%。有代理透露早前已向買家簽回佣協議,部份需回佣達2%,有機會「回凸佣」而蝕錢返工。

有地產代理向本報表示,早前為凱滙簽成4、5宗買賣,客戶要求回佣1.5%至2%,但發展商於第4輪開售(12月29日)晚上才宣佈代理佣金為1.7%,令他們大失預算。他表示,已經有客戶表明不會改變回佣比例,即不少代理會倒蝕佣金,做1間成交會少約3萬至4萬元,部份開單多的同行有機會蝕約10萬元。

該名代理指,現時一般新盤佣金達3%,較少的新盤亦有2.5%,完全估不到會是1.7%。「如果有得揀我哋唔會做佢哋(信置)嘅樓盤啦,1.7%佣金應為近十年無見過,就算有都會一早講明,唔會差唔多賣完先同我哋講,返工都唔會開工一個月老闆先講幾錢人工啦。」

他認為,地產代理行業應劃一開售前多久公佈佣金比例,「一手有銷售條例,點解同我哋嘅佣金協議係無監管呢?佢鍾意幾時講又得,鍾意畀幾多都得,已經係唔合理啦。」「楊生出名對代理唔好,平時會對行家呼呼喝喝,唔似新地、長實咁係合作關係,衰啲講當我哋係狗咁。」

相關新聞:持牌代理人數轉跌

發展商料慳逾兩億

一般新盤佣金3%計,信置原先需付約5.04億佣金,現大削43%,只需付約2.856億元,即慳2.184億元。參考凱滙2期最新價單入場單位5座16樓B室,折實價715.57萬元。代理從中獲得佣金約12萬元,與公司以7:3拆佣後,只獲約3.6萬元。若以3%佣金計,代理則獲約6.3萬元,佣金差約2.7萬元。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載