› 選擇地區
三藩市
紐約
洛杉磯
其他美國地區
香港 台灣 北美
 
2019年01月07日

智取大市:炒放水局中有局 - 晉佳

鮑威爾講加息保持耐性之餘,又表示可以控制縮表步伐,潛台詞係不容許貨幣政策令股市大跌。
資料圖片

人行降準1個百分點,以1.5萬億人仔資金放水兼置換MLF。由於舊年MLF放水5萬億已經幾乎用盡內銀可抵押資產,到今個月人行置換第一季度到期MLF,其中1月到期金額3,900億唔再續期,而置換後代表內銀再有空間抵押資產再做MLF,呢吓彈藥遲早都會用。

就咁計,1月份終極降準放水預期可達1.2萬億人仔。估計去到全季完結,就代表可予放水資金由5萬億增加到6.5萬億,然後再有今年減稅降費1.5萬億,其實唔少嘢。

鮑威爾講加息保持耐性之餘,倘縮表喺金融市場引發問題,聯儲局會毫不猶豫調整縮表步伐,潛台詞係不容許貨幣政策令股市大跌。

兩件事加埋,有幾勁?道指單日狂彈逾700點合理不過,估計反彈勢頭未完,不過……記住兩件事,第一,美國以隊冧中國經濟,作為威逼中國放慢科技發展嘅武器;第二,假如美國暫停加息甚至可以控制縮表步伐,冇緊縮政策拖後腿之下,就有更大條件向中國發動更大規模攻擊。

中美重新放水?只係硬幣其中一面,今個星期內,如果股市快速反彈而令大家只睇到利好嘅一面,而忽視利淡嘅一面,就係反彈完結之時。

晉佳
http://fb.com/advanceguy1
本欄逢周一、三、五刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載