› 選擇地區
三藩市
紐約
洛杉磯
其他美國地區
香港 台灣 北美
 
2019年01月10日

9隻新經濟股全部「深潛」

【本報訊】市場近年吹捧新經濟股份,本報統計過去兩年9隻主要大型新經濟股,股價全部「潛水」最少35%,跌幅最多的易鑫(2858)更較招股價跌75%,9隻新經濟股總市值蒸發高達3,795億元,比去年本港全年新股集資額3,000億元還要多。

新經濟企業多會在上市前進行多輪融資,引入大批上市前投資者,由於他們大多設有6個月的禁售期,有助穩定股份上市首半年的股價,但同時令股權分散。例如美圖(1357)上市以來壞消息不絕,但部份股份被禁售期鎖死,因此首半年雖已從高位大幅回落63%,但仍能穩守招股價,但禁售期一屆滿,即遭大手沽貨套現,上市至今較招股價累跌69%。

相關新聞:雷軍延長禁售難挽信心小米再跌7%見新低

沈大師:新經濟都要睇業績

訊匯證券行政總裁沈振盈批評港交所把關不力,令這些所謂新經濟股獨角獸,在內地都未批上市的情況下,排隊到香港上市,「咁你同謎網50冇分別㗎!」沈大師認為買股票就是要買業績和前景,但這些股「隻隻都搵笨」,全無業績可言,「我一路叫唔好買,新經濟唔係大晒,新經濟都要睇業績!」。

豐盛金融資產管理董事黃國英則認為,香港投資環境尚未接受新經濟股,「香港人同美國人唔同,香港人睇PE睇派息,睇一啲已經建立咗嘅嘢,多過前景,你叫佢哋睇啲夢想嚟定價?真係比較難,承接力都比較差。」他認為投資者沒有耐性等企業獲利,寧願等到企業成功後才買,又指小米(1810)、美團(3690)、平安好醫生(1833)的生意模式算有較大成功機會,但目前仍言之尚早。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載