蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年02月08日
馬上成為壹會員

地產專題:牙醫哥哥抗拒買樓 遲8年上車
經紀弟弟炒樓致富
碩士生曾擁13層樓

八年前有對兄弟成為了市場焦點:哥哥曾漢輝是抗拒買樓的牙醫,弟弟曾漢文是瞓身炒樓、高𥧌期揸13個物業的「碩士經紀」,當時惹起了「應否炒樓搵快錢」的爭議。八年後的今天,樓市歷經起起跌跌,記者找來弟弟曾漢文,回顧他與哥哥一路走來的足迹。究竟誰對樓市的觀點正確,終於揭盅。
記者:余秉峰

相關新聞:做經紀要有野心 更要揣摩人心

曾漢文現任地產中介公司志達行經理,比起炒樓心得,他講及買車經驗時更雀躍,又自爆不只有當日代步的Range Rover,「我仲有一架Audi,一架Benz私家車,一架Benz四驅車。另外買咗一張港珠澳牌,同埋一張沙頭角中港牌。呢啲牌供應有限,有得升值啊!」反而手上物業因為「每年都賣一啲」,已由高𥧌期的13個降至現在的7個,「身家未有1億,都係8位數,實際幾多等人哋自己估啦!」

有本錢逍遙過日子,與炒樓密不可分,曾漢文大學時在志達行兼職,眼見老闆這類上一代人的發達方程式,是買樓等收租和升值,套得另一筆本金再買樓,因此他叠埋心水要做地產經紀,希望利用身處最前線的優勢,搶先奪下市場筍盤。

2006年中,正在攻讀港大碩士課程的他初嘗甜頭,由於長期跟進一名持有大埔某村屋2樓物業的客人,這客人抱怨樓上漏水,與單位業主發生爭執,結果雙雙以低市價急售單位,免得「眼冤」。他知道單位其實沒大問題,迅速找朋友一同買入上層單位,自己則以110萬元接手2樓單位,低當時市價兩成。他們把兩個單位合併裝修成複式單位,翌年轉手,賺得50萬元的差價。

後來曾漢文炒樓本錢漸大,在2007年接到一個粉嶺村屋單位放盤,查冊後發現業主已申請了三次按揭,其中從財務公司累借逾200萬元,吼準對方等錢使,便帶備整筆現金利誘問他,「我哋all cash,平啲賣得唔得?」結果原本叫價430萬元,變成390萬元成交,持貨至2009年以接近600萬元沽出,賬面賺近210萬元。如是者重複低買高賣,今年35歲的他已家底豐厚。

牙醫哥哥結婚 妥協買樓

另一邊箱,任職牙醫的哥哥曾漢輝,深信開診所做生意才是最實際。他固然薪高糧準,惟八年前要租用弟弟的大埔廣場單位,平日食飯盒和搭三小時巴士上落班。曾漢文則指哥哥早有能力上車,僅是理念不同,「其實佢買樓係比我有優勢,因為銀行好樂意借錢畀佢。只不過佢係專業人士,理想係買堅道嗰種樓襯返身份,先搞到好耐都冇買。」除了眼角高,曾漢輝堅信實幹為先,又偏好流動資產,優先用資金來擴張自家診所和投資股票等。

2014年,曾漢輝結婚,終於買樓上車。他買下一個何文田區單位,又見同行喜到英國投資物業,買埋一份。雖然哥哥相對遲了八年才加入「磚頭黨」,但曾漢文相信哥哥的身家已追上來,「物業資產我多啲,但如果講身家,佢計埋股票定存嗰啲,大家應該差唔多。」記者曾找曾漢輝,但他未有回覆。

料樓市已轉勢 減持物業

對於樓市,曾漢文認為已經轉勢,自己手持物業亦降至較低水平,一來覺得樓價高得如奢侈品,月薪3萬元的打工仔盡用按揭成數上車也有難度,購買力不多;二來收租回報率已跌至2厘水平,並不吸引。

過往曾漢文很嚮往成為專業人士,但投入社會打滾八年,得出的結論是發達與否,食正時勢比埋頭苦幹更重要,「專業人士係用時間換金錢,每日返工10個鐘。」他的大哥如是,「佢哋絕對係搵到錢,但我追求嘅唔係呢樣嘢。如果我唔開心,即刻去泰國旅行一個星期都得,我現時係要自由。」香港的崎型樓市,造成了兩兄弟的不同命運。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載