蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年02月09日
馬上成為壹會員

康宏董事買女兒塗鴉教理財

林正宏表示,向子女灌輸理財觀念要因材施教。

坊間不少銀行特設兒童儲蓄戶口,除了迎新禮品吸引外,最重要是不設最低存款限制。康宏(1019)助理聯席董事林正宏(Perseus)透露,以往新年都會給女兒數百元,其餘由他保存,今年他計劃帶兩位分別10歲及8歲的女兒開戶,「畀佢哋容易見到啲錢,可以數字化啲」。

世上無一條方程式幫助父母教子女理財,林正宏稱大女是「慳妹」一名,細女算是「小衝動派」,所以絕對要因材施教。「如果小朋友太慳,唔捨得花錢,應該教佢真正嘅理財係應使得使,鼓勵分享,唔好做守財奴;如果小朋友太揮霍,父母就要教佢考慮將來,提醒佢金錢有限,令佢更審慎運用金錢」。

相關新聞:兒童開戶儲利是銀行卡通禮品吸客

獲零用錢有代價

現時女兒的必要開支由他包辦,新一年林正宏考慮給予女兒「零用錢」,希望她們能盡早學懂管理金錢。他所講的零用錢不是平白無事就有幾百元,而是要求她們付出,賺取屬於自己的收入。

「靈感來自細女畫咗本書,其實係塗鴉,佢叫我真金白銀買,既然佢有呢個sense,不如我買下佢嘅畫作,一方面佢有收入,又可以鼓勵佢賺錢」。他笑指價錢相信只是一百幾十,反而會和女兒「講價」,「究竟幅畫值幾錢,呢個過程更重要」。

不少家長都有為子女儲蓄,林正宏也不例外,假以時日,女兒會有一筆流動資金。不過,他卻多次提到,錢不一定留給她們,「如果冇能力管理同運用呢筆錢,剩係識揮霍,使費只會越滾越大,使大咗返唔到轉頭,咁點算?我出於好意,反而害咗佢哋,剝削佢哋求上進,佢哋嘅生活只會變得沒趣」。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載