› 選擇地區
三藩市
紐約
洛杉磯
其他美國地區
香港 台灣 北美
 
2019年02月12日

中環在線:耀才推「寶寶」吸內地客 - 李華華

今年葉茂林(中)帶埋千金兼主席助理葉頴恩(右),並介紹畀傳媒識。鄒潔珊攝

耀才(1428)每逢農曆年都會同行家食餐飯,今年更公佈用咗過千萬推出兩個App「寶寶」同「豆豆」,話一個係用嚟炒股、一個係炒期貨。主席葉茂林(Peter)話可以喺個App上載同行嘅單,根據張單轉會有佣金八折優惠,要保證全行最抵咁話。

有行家就問兩個名係點嚟,耀才行政總裁許繹彬(Edmond)就話,因為豆豆係炒期貨,好似粒豆咁萌芽,而寶寶就係「炒股法寶」,係公司團隊心思熟慮嘅決定。但其實個名大陸色彩都幾濃,似乎都係為內地股民而改。許繹彬仲話現時老人家玩WeChat、facebook都叻過自己,唔怕老一輩散戶唔識用App炒股。

今年葉茂林仲帶埋千金兼主席助理葉頴恩(Jacquelyn)介紹畀傳媒識,睇番阿女自2013年開始加入公司,由行政助理做起,之後升做董事總經理,現時做埋主席助理。仲記得葉茂林幾年前已經講過自己廿幾年都未正式放過假,好想交棒之後歎世界,睇嚟阿女離「坐正」日子不遠。

李華華
mailto:LiWaWa@AppleDaily.com


LiWaWa@AppleDaily.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載