蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年02月19日

蔡堅:滙控佔投資組合10%

14,964
蔡堅醫生

【本報訊】有醫生早年投資組合以收息股為主,包括滙控(005),除每月有穩定收入外,更可惠及子女,不過現時亦有些醫生偏好炒細價股,甚至搖身一變成為莊家,到底滙控今天是否仍然是醫生愛股?

相關新聞:股息率近6厘冠港銀

有醫生炒股好狼死

醫學會前會長蔡堅接受本報訪問時提到,自己投資股票以穩健收息為主:「唔使日日望住指數,買咗就擺開佢」,現時持有股票包括滙控、領展(823)、恒生(011)等。

蔡堅表示,滙控現時佔投資組合約一成,「百幾蚊到33蚊都有(增持),呢幾年賣咗啲,平均價同現價差唔多」。他指收息為主要目標,亦坦言「有一段時間睇住佢跌得非常傷心」,他曾參與2009年「世紀供股」,但沒有在低位加注,之後再沒有增持該股。

問及醫生們投資策略是否與他相近,他說:「老一輩嗰啲,一係根本無時間,比較少睇住嗰市會保守啲,一係就會搵投資顧問建議。」不過他又笑言有些醫生「炒股好狼死」!

滙控即將放榜,他就指沒有期望:「近年(滙控)成日俾人罰錢,又俾美國佬罰,見住佢落咗彈唔番,心都有啲戚戚然。」指現時持貨不多,「咪放喺度當懷緬」,未有打算出售。

談到近日走勢凌厲的領展,他說:「嗰陣時買係因為領展加租6倍,咪買嚟拉番勻」,自10年前開始已經買入領展對沖租金,久不久都有增持,但認為日後未必能維持升勢,「現在葉劉都話要搞佢(規管租金升幅及空置舖位)」。

對於今年經濟前景,蔡堅坦言並不看好:「美國佬玩針對,(中國)好難有好景,學董生話中國好、香港好,掉番轉都一樣。今年大環境麻麻,投資都要好小心,money is king。」

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載