蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年03月23日
馬上成為壹會員

港人沽深圳樓轉買屯門單位
「大灣區非遍地黃金」

【周末專題】大灣區前景被捧上天,12年前早着先機在深圳以50多萬元買樓的港人陳先生,反而覺得「吹得咁行係有啲問題」,3年前覺得內地樓市見頂,「再升嘅話差唔多係香港嘅樓價」,於是賣出福田一間兩房單位,賺200多萬元。他套現後轉投港樓懷抱,購入屯門豐連兩伙作長線收租。
記者:陳家雄

陳先生和母親在2007年共有約50萬元現金,若在香港買樓,只足夠作首期,未來還要供樓,適逢有朋友介紹去內地睇樓,他當時覺得深圳鄰近香港,又開始發展,「發展落去可能一級跳、二級跳,甚至三級跳,希望賺到呢筆利潤」。

買豐連兩伙收租

他深明隔山買牛風險高,「大陸樓感觀上可能惡劣啲,買咗後隨時可能無啦啦過一段時間冧咗!但當時我唔係買樓花,係買現樓,心諗應該唔會咁黑仔」。最終他以50多萬元,在深圳福田區買入1個面積約500方呎的兩房單位。

後來單位附近的地鐵通車,樓價升幅以倍計。根據深圳中原地產數據,2007年底深圳整體二手住宅物業平均呎價約1,250元人幣,到2016年已升穿5,700元水平人幣,升幅約3.6倍。當時陳生認為深圳樓市見頂,遂將福田物業沽出,套現近300萬元。他指持有內地樓不安心,「都係香港熟悉啲」。

當年大灣區概念已經出台,「大陸政策唔熟,但睇幾單新聞,大陸話收你就收你,係推冧你(間屋)就推冧你。現在大灣區吹得好行,係咁招商……吹成咁係有啲問題喺度。其實睇返入面政策都唔係好完善,睇返過去啲例子,話大灣區有個乜園,過咗無耐就被政府取締咗,整個計劃推倒,幾億就無咗。嘩!真係有啲風險㗎喎,唔係好似想像中周街都係黃金畀你執」。

資金班師回港後,碰巧南豐推出屯門新盤豐連,首批每呎折實均價8,826元,首批138伙當中,過半數單位售價低於300萬元。他不諱言,當時有足夠資金一炮過購入豐連一個單位,但低息環境下,想善用按揭這個槓桿買樓。最終將賣出深圳樓套現而來的近300萬元,再加數十萬元儲蓄,一口氣購入豐連兩伙,分別以約290萬元及約480萬元,買入一房及兩房單位。兩個單位均借六成按揭,首期共約300萬元,月供約1.8萬元。

他認為,今次博一博比當年在大陸買樓較安全,「當年喺大陸買樓嘅風險係現在香港買樓嘅兩倍!」目前一房戶已租出,月租1.05萬元,回報率4.3厘,而兩房單位月租1.5萬元,有3.8厘回報。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載