蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年03月26日
馬上成為壹會員

出身建築世家 父曾設計「中聯辦大樓」
何力治:劏房賣唔到自然淘汰

【人物專訪】年輕建築師何力治出身建築師世家,父親何顯毅大有來頭,為改革開放後第一代進軍內地建築師,西環「中聯辦大樓」亦由他操刀設計。父親畫圖則年代,香港土地問題未如今天般嚴重,「以前開間四正、地點優越、清水房賣,連會所都冇」。現時單位則越來越細,不足200呎比比皆是,但他認為「唔符合市場要求嘅,自然賣唔到。」

矗立西環的中聯辦大樓名為西港中心,最初業主是招商局,「招商局係央企,所以建築上用新中式元素設計,例如入口處彷似大門廊,門側有幾何圖形燈籠。」

去年中聯辦罕有開放予市民參觀,惟天台「玻璃球」不屬參觀範圍,原來這個玻璃球有個故事,「當時大廈1999年落成,係西環最高物業,有個咁獨特嘅機遇,就做咗個貴賓廳。」貴賓廳以玻璃設計,「唔止360度,仲要係3D嘅360度,望天見到星星,望前見到西九,望後就見到山頂,做貴賓廳非常適合。」不過中聯辦早前向其他傳媒指這個玻璃球已經變成觀景台。

何力治亦經手過不少香港大型住宅物業,例如日出康城。何力治回憶到,父親年代住宅以大型項目為主,現時單支樓則越來越多,新一代建築師設計得較精細,「佢哋追求嘅係新意,例如傢俬設計、共享元素、顏色、用料、會所設計、科技應用,凝聚咗市場現時嘅產品。」

近年隨林鄭四出招商

何力治現時手上項目有大有細,例如與遠東(035)亦有住宅項目合作。他談到,建築師通常因應發展商要求去設計,指標有時好清晰,「例如想大單位或細單位,前後幾多會所或車位」,有時互動性較強,「例如有發展商想建築師樓、估價行、經紀行合作,去諗一個市場鍾意嘅方案。」他形容單位大小全看市場需求,「如果細單位出唔到貨,自然俾人淘汰,發展商自動會調整吓個則。」屯門菁雋就是好例子,反應非常冷淡,「相反,如果特別好賣嘅,咪越多呢啲項目。」

何力治年僅33歲,近年更經常隨特首林鄭月娥四出招商,公職包括嶺大校董會、青年發展委員會、貿發局轄下小組等,不過他自言對政治零追求,公職讓他接觸更多社會,做建築師更加人性化。」
記者:周家誠

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載