蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年04月15日
馬上成為壹會員

44年載過7位老闆 駕駛最坐得安心路線
渣打大班司機曾遇械劫案

【財經專訪】「我係Albert Chan(陳祺威),1975年入渣打銀行做,1991年開始揸大班車(大班御用司機)。我的老闆有Tony Nicolle(黎恪義)、Ian Wilson(華禮信)、Mervyn Davies(戴維思)、Peter Wong(王冬勝)、Peter Sullivan(蘇利民)、Jaspal Bindra(白承睿)、同埋𠵱家嘅洪生(洪丕正)。」在渣打工作了44年的Albert,加入銀行第4年開始轉做司機,接載部門主管,再過了12年被委以重任,做大班御用司機;回歸前後共載過7位Big Boss,現時是這間發鈔行最資深員工之一。
記者:劉美儀

相關新聞:「白承睿回印度後 仍互賀生日」

揸大班車,唔係揸大膽車,要眼觀六路,耳聽八方。陳祺威說做大班司機,不礙乎滿足四大條件:安全、準時、清楚(所去)位置、舒服。本港經常塞車,他要判斷路面變化揀最適合駕駛路線,讓老闆坐得安心,「唔好等佢chok吓chok吓」。自己是否達標?他敲兩下車身笑說:「so far touch wood(托賴)啦,我就好少甩漏。」

「揸住槍喺我車前面經過」

每天駕着寶馬房車在金融區游走,看似風光,但路上也可以暗藏風險,「驚險事情都發生過一次」。在1992年他在中環駕車路上,遇着轟動一時的周大福珠寶金行械劫案!

這天大班司機罕有走到鏡頭前,靦腆地述說他在渣打的駕駛歲月。「我本身好鍾意揸車,18歲一夠就考車牌,電單車、私家車牌一齊考。」朋友寫信求職,本來在工廠打工的他,搭順風車叫老友寫多封信去,結果獲渣打人事部回應,「我就膽粗粗試吓,一做就40幾年。」

八、九十年代,發生過不少珠寶錶行械劫、富商被綁架等大案,好多名車亦被偷返內地轉賣,試過有富豪的司機停車入油,人一落地車即被搶走。

陳祺威開工期間也遇過警匪駁火的場面。時光倒流至1992年3月12日下午,被稱為香港「四大賊王」之一的葉育生,夥三名賊人打劫皇后大道中周大福珠寶店,掠去約值1,200萬元名錶及珠寶金飾,四人逃離現場時遇警方攔截,開槍還擊。

「我當時都唔識驚,問題係點解突然間咁靜。」他記得大約是食晏時間,車內沒有載着老闆,行至畢打街口停紅綠燈,「但啲車唔行,我就奇怪點解啲車唔郁,見到有個人揸住枝槍,打橫咁喺我車前面經過,原來係當年最出名嘅中環珠寶搶䕃案,聽到兩下嘭嘭槍聲。」

相關新聞:愛化身鐵騎士自由馳騁

「架車係大班第二個寫字樓」

新世代房車都設自動鎖門裝置,那些年則未有。「以前我哋一上車,一停低,就會lock車門,最緊要係lock車門,唔好畀外面人入嚟。」

做大班御用司機,傍着Big Boss出入,是否會預早收到公司絕密消息?他糾正,「好多人以為我哋做大老闆司機,有好多內幕消息,其實呢個係謬誤嚟嘅。」大班們個個好專業,不會胡亂在車上講敏感資料,自己亦會懂得避忌,故很多重大消息包括老闆辭職或去留,「我都係睇報紙先知」。

服務過7位大班5位是洋人,當大班司機英文是否要特訓過?他笑稱,「可能老闆知我英文唔係咁掂,都會就住我嚟講,朝早見到老闆我會講早晨,佢哋都會回返Good Morning。」不過老闆口音各異,就得花時間適應。譬如第一位大班黎恪義聲調較沉,「要畀心機聽」;第二位老闆華禮信是蘇格蘭人,講嘢就好淡定有錢剩,「聽得舒服啲」。

另外,Albert發現大班唔易做,「我細過時聽人講,話做銀行大班好好做,其實好辛苦,一日時間真係唔夠用,個個都好忙無時停……架車係佢哋第二個寫字樓,個個都喺車上工作,睇文件、聯絡同事、吩咐做嘢。」

陳祺威說,如果時光倒流四十年,「我都係會行返呢條(司機)路,我喺渣打大半生,覺得自己幾好彩……渣打文化好融洽,讓我可以做到今時今日。」

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載