蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年04月15日
馬上成為壹會員

「白承睿回印度後 仍互賀生日」

陳祺威與白承睿再見亦是朋友。資料圖片

渣打大班御用司機陳祺威,近半個世紀駕着公司房車穿梭中環,見證香港蒼海桑田及樓起樓拆的變幻。載過的七位大班各有特色個性,唯一共通處「係佢哋都好親民無架子,同佢哋講嘢都唔需要特別有所顧慮。」英資行大班作風紳士,大老闆與小職員之間也可以有不少細膩互動,在風塵樸樸的車廂世界以外,展現久違了的人走並未茶涼港式溫情。

回望28年揸大班車歲月,位位老闆各有特色。首名大班黎恪義由銀監過檔,「做事較正統」但其實好關心下屬;相處時間最耐是共事7年半的前亞洲區舵手白承睿;第一位唔駛講番文的華人老闆是王冬勝;與現任老闆洪丕正初相見,對方聲如洪鐘印象最深。

人走人情在,大班與小職員再見亦是朋友。陳祺威說,白承睿退休後回印度打理生意,「但佢生日我生日,都有send短訊畀對方……Sullivan(渣打香港前一哥蘇利民)都係,有次我生日,佢太太捉住請我飲茶……之前佢哋返嚟香港大家都有見面。」

相關新聞:愛化身鐵騎士自由馳騁

睇住戴維思女兒長大

集團前主席戴維思(Mervyn Davies)曾駐紮本港,「佢個女Laura,由10幾歲我睇到佢做咗媽咪……Davies退休時,都有offer畀我去英國探佢。」

白承睿是印度人,喜歡在車內聽印度音樂,又數度邀請Albert欣賞寶來塢電影;因諧音相近,市場中人替Jaspal起了「叉燒包」綽號,「佢知道自己個花名係叉燒包,但完全無覺得咩冒犯,仲覺得幾funny囉!」

對方初到香港人生路不熟,他就像接待家人般,盡心照顧洋老闆需要:白信奉錫克教,他接載大班到銅鑼灣錫克廟做禮拜;對方鍾意食,他就捐窿捐罅做美食大使推介地道佳餚。

記者:劉美儀

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載