› 選擇地區
三藩市
紐約
洛杉磯
其他美國地區
香港 台灣 北美
 
2019年04月15日

愛化身鐵騎士自由馳騁

陳祺威放假時喜歡化身鐵騎士自由馳騁。

「騎住架電單車感覺自由啲,覺得自己好似雀仔飛來飛去。」泊好房車,換上頭盔,渣打大班御用司機陳祺威化身鐵騎士,無拘無束馳騁於高速公路,回味着年輕時一度放下的「車手夢」。

男人愛車,如女人愛美,征戰澳門東望洋,更是男人的浪漫。「隔籬屋有朋友揸電單車,未考牌時,我已經坐佢車尾,順理成章,一考到牌,我就買電單車嚟揸……試過去澳門東望洋玩過。」

講起年輕時兩赴東望洋賽道,陳祺威即喜上眉梢,那種雀躍,彷彿車神再披甲上陣,笠上頭盔絕塵而去。

劉德華在《天若有情》騎電單車的場面已成經典,但他說自己並非嚮往「華Dee」。「那時啲飛仔真係揸電單車去追女仔,呢句真嘅,但我無咁諗過,我唔鍾意載人,嫌佢阻住我哋。」

飆車換來快感,卻因工作緣故,丟低鐵騎三十幾年,近年才重拾志趣,「最後又買返架電單車」。骨子裏雖仍是倜儻車手一名,但畢章年過六十,他坦言理解家人擔心,故向太太派定心丸,「我唔會亂嚟,都幾十歲人啦!」只是間中與友人遊車河,遠離市區繁囂。

相關新聞:「白承睿回印度後 仍互賀生日」

回味昔日車手夢

大都會小人物,為生活放棄飆車追夢,卻未曾忘掉昔日公路上迎風奔馳的滋味,大抵是星爺電影《少林足球》內每個原型人物吧,陳祺威心中的一團火,相信仍未熄滅。
記者:黃珮琳

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載