› 選擇地區
三藩市
紐約
洛杉磯
其他美國地區
香港 台灣 北美
 
2019年04月16日

利字當頭:代理如何看入標買樓 - 利世民

一些物業代理認為,招標賣樓比公開銷售更加公平,過程也省卻了不必要的矛盾和衝突。 資料圖片

之前也有講過,香港地做發展商,動輒得咎。無論賣得多還是賣得少,賣得快抑或賣得慢,要為發展商安個罪名,十五分鐘之內便找得到。

招標賣樓,過程不會像公開銷售般急進,難道這也有錯?發展商銷樓廳公開銷售,萬人空巷,又被人說是製造「恐慌性買入」的氣氛。其實,招標賣樓有一定的好處,公開銷售也不是甚麼十惡不赦;香港樓市的根本問題是供不應求,而不是銷售手法。

我也有請教過做物業代理的朋友,他說公開銷售時代理就像打一場混戰,有時客戶有錢也未必買到心儀的單位,改了招標,反而更加公平,過程也省卻了不必要的矛盾和衝突。

「最開心係,大家唔駛浪費時間做佈景板;可以用錢解決嘅問題,最好唔好浪費時間。」我這位代理朋友,見證過高山深谷,也算是資深。「你問我招標賣樓公平唔公平,我就會話你知,其實一、二手樓市場都一樣,無話邊個應該要先開價;係賣家市場,咪買家開價囉!有乜問題呢?」

「招標,唔怕買貴貨嗎?」「要買貴買錯,公開銷售一樣都人中伏,尤其是當個場口氣氛影響決定。入標買樓,反而可以靜靜地計數,揀啱心儀單位先出手。其實入標買樓對我哋代理都係一份尊重,至少我哋可以用專業意見幫吓個客。我唔知政府點解咁反對呢種賣樓方法?經驗話畀我知,入標買樓嘅客通常更加冷靜,咁都唔鍾意我真係唔知點做先至係正確。」

利世民
http://fb.com/leesimon.hk
本欄逢周二、四刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載