› 選擇地區
三藩市
紐約
洛杉磯
其他美國地區
香港 台灣 北美
 
2019年04月16日

金手指:左右藍黃忽然齊心 - 孫柏文

香港醫生、AO大聲疾呼話電子煙有害要禁,英國專家卻話如果電子煙普及,會少好多人患肺癌。 資料圖片

孫柏文曾經喺本欄分享過,由上世紀中創立標普500指數以來,表現最好就係賣萬寶路嘅Altri,理由係政府越管,就越冇對手越好賺。不過呢刻,煙仔真係出現強勁對手。就係電子蒸氣煙,Vape。

呢邊廂香港醫生、AO等大聲疾呼話有害要禁。那邊廂全球歷史最悠久反癌慈善組織Cancer Research UK話如電子蒸氣煙普及,會少好多人患肺癌。英國醫管局NHS內部智庫則建議,英國公立醫喺啲戒煙貼旁賣蒸氣煙。咁信香港醫生定係英國醫生?我梗係信英國醫生啦。

上周六,立法會就政府禁售蒸氣煙,畀市民發言。首先,我,自由市場塔利班、長毛,馬克思主義者、曾話過「每次聽到國歌,我都想嘔」嘅張倩盈、同一個用普通話講「我們一向都是愛國愛黨的」商會代表,全部異口同聲大力反對政府呢個建議。特首林鄭月娥話過想解除香港內部矛盾,電子蒸氣煙居然能令右、左、黃、藍企喺同一邊。林鄭真係好勁!

第二,發言反對嘅全部係好真心、好激動去反。發言支持嘅,聽落似中學辯論咁。點知真係被本報爆出港大迫啲學生撐政府。

最後,點解香港人記住殖民時代,覺得特區政府好廢?答案係當年打白粉,大幅補貼美沙酮。今日打煙仔,就諗住禁蒸氣煙。

孫柏文
獨立股評人
http://fb.com/shuen
本欄逢周二刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載