› 選擇地區
三藩市
紐約
洛杉磯
其他美國地區
香港 台灣 北美
 
2019年05月19日

【財經專題】港人居日20年 結婚買樓兼創業

居日近廿年的線上營銷公司老闆梁文彥(Daniel),受訪前放任髮尾亂翹,日籍妻子看不過眼,出盡法寶把髮型弄得貼服。㗎妹溫婉可人,Daniel在日本還自置物業、開創公司,40多歲完成哈日族的夢想,儼如人生贏家,但年少在港時,原是古惑仔一名。

「我細個嘅記憶淨係得阿爸鬧我」,嚴父張嘴罵出個「陀地」。Daniel中學跟大佬,群毆隻揪、偷竊入差館,即使陪母親到教會,轉頭又到後門煲煙,後來被送到加拿大讀書成轉捩點。在外國靜心反思後,Daniel總算改邪歸正,恰巧在咖啡室交到許多日籍朋友,萌生赴日發展的念頭。一位日籍友人更成為其太太,性格百般遷就,全因日人看重「女子力」,意指怎樣發揮女性獨有魅力對待異性。像是訪問當天,妻子早就起床化妝,「塊面咁鬼污糟核突,唔化妝可以點啊!唔係為畀老公睇,係一個基本動作。」港女這方面相形見絀。

日本職場有獨特文化

日本職場有其獨特文化。「呢度唔會炒人,只會迫你走」,皆因直接辭退員工會影響公司風評,管理層寧願曲線達到目標。Daniel還說轉工多寡亦會影響樓按息率,「如果近年有轉過工,有可能按揭利息會高好多。如果你喺大公司做得越耐就越低息」。在日打工數年後,他決定創業,如今在東京及大阪各設辦公室,企業年收入10億日圓(約7,171萬港元),文化差異感受更深。舉例開發一套軟件,當地人需時一年編寫,出品幾乎完美;香港公司則三個月起貨,「做嘢非常快,但係去到某一個程度就會停,唔會去到最好」。假如滿分100分,國際標準在70分,日產軟件初版就已經有98分,而港產作品開發到國際標準就收手。不過,力臻完美換來超長工時文化,壓力長年積累,「30個人做,可能就有1、2個有憂鬱症」。

營商多年、日語流利的Daniel,傾談生意暢順,但瑣碎事不免有阻滯,如租用辦公室時頻被拒,因對方無出租物業予外國人公司經驗,不了解就索性落閘,「畀貴啲租都唔得」。Daniel一家住在大阪府北邊一戶建,稱當地房產「冇得炒」,要東京近鐵路公寓才有升值可能。

記者:陳東陽

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載