› 選擇地區
三藩市
紐約
洛杉磯
其他美國地區
香港 台灣 北美
 
2019年05月21日

【金手指】睇貿戰 學英文 - 孫柏文

中美貿戰再升級,美帝火燒華為。 資料圖片

貿戰再升級,美帝火燒華為。美帝繼將關稅推至25%後,再出招,有閃電戰之意。美帝人民上上下下就算換總統,都會繼續打。

如果強國中央諗住換人就冇事,其他政客個個都好似希拉莉、拜登,可以收買後,出賣國家利益,繼續俾我國中央想點就點,盤算會好錯。

對上周末,我學到個新嘅英文詞彙。就係Promise Fatigue。即世人對大陸政府嘅承諾、保證話未來會點點點,都已厭倦。中聯辦都出聲話「送中」要立法會直接二讀下,啲咩「港人治港」、「五十年不變」,全部彈票。英文則叫Renege。

如果你呢刻對中央嘅信任程度,加埋你能夠操控花旗國聯邦政府嘅機械,你覺得貿戰會咩樣?梗係你簽協議,兼落實埋,先減關稅啦。

當中共自覺冇得打,就乜都ok。如果中共覺得有得打,不過弱勢,就會「談,可以!打,奉陪!欺,妄想!」如果中共覺得完全唔使擺你喺眼內,就會搞「送中」。

2018年,中國對外貿易盈餘3,600億美元,對美佔八成半。中共如果想快啲平息,不過又唔想做足美帝要的,就要來一次PR上嘅大改革。中共交啲人出來,等美帝人民覺得真係會變,咁就唔使等到真係落實美帝要求,就可求和減關稅。不過,交邊個美人民先被說服呢?

孫柏文
獨立股評人
http://fb.com/shuen
本欄逢周二刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載