› 選擇地區
三藩市
紐約
洛杉磯
其他美國地區
香港 台灣 北美
 
2019年05月24日

【智取大市】美國科技戰代價 - 晉佳

高通有七成收入來自中國,受中美貿戰的影響最明顯。資料圖片

美國發動科技戰,似越搞越大,英特爾、高通等晶片生產商聯手抵制華為,亦可能付上沉重代價。以2018年計,高通研發開支佔收入24.7%,比英特爾嘅19%為高,更遠高於Google嘅6%,呢個比例越高就係一個痛點,反映收入下降對於研發開支預算嘅影響越大,喺同對手此消彼長之下,有七成收入來自中國嘅高通,危機最明顯。

中國手機品牌市佔率達到全球一半,而全球手機銷售量有逾三成去咗中國,其中,華為正正係中國手機一哥。美國制裁下,包括華為在內嘅中國手機生產商被迫鋪定後路,非美國手機晶片生產商市佔率必然提升。

三星之前宣佈2030年之前,投資近萬億港幣於半導體,一早吼定中國呢條大水魚,亦似乎衝着高通而來。高通最怕長遠收入下降,能投入嘅研發開支相對減少,規模效應不及以往明顯,贏家全取地位長遠被三星威脅可能性增加。一場華為抵制風波,所牽涉嘅角力點止中美咁簡單,當中有特朗普政府同晶片生產商之間嘅角力,亦係環球半導體市場之間嘅角力。美國抵制華為,代價恐怕不簡單。要看文章足本,請登入蘋果即時新聞或晉佳fb頁。

晉佳
http://fb.com/advanceguy1
本欄逢周一、三、五刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載