蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年05月27日
馬上成為壹會員

90後公務員上車:自住都怕跌

【本報訊】「買樓自住唔怕跌」這句買家的話講足多年,任職紀律部隊的90後王先生就話「買樓自住點會唔怕跌,層樓都係你嘅資產」。投身社會六年,月月儲逾萬元,未到30歲已儲逾百萬元,自言買樓主要靠儲蓄,去年初他以590萬元,買入遠展(035)及市建局合作發展的深水埗傲凱一房戶,成功上車。

傲凱驗樓有94分

王投身社會後學人炒股,早年奉行炒波幅策略,市好時連續幾月每月賺幾千元,但事實上「𠵱家手頭上揸嘅股票都蝕,冇賣到出去」。股票市場交不少學費,「最差嗰陣,賬面輸到六位數,𠵱家偏向穩陣長線投資」。

工作六年,王每月儲蓄逾1萬元,未夠30歲積蓄已逾100萬元,「見手頭上夠資金,屋企人又可以幫少少,覺得可以買到就買咗先,買樓主要靠儲蓄」。「你買樓唔會齋諗話自住,除咗自住,第時放租、出售,究竟容唔容易畀你咁做,都要諗埋。買樓冇可能唔諗個投資價值!自住都怕跌,自住樓都係資產!」睇青衣二手樓,經紀介紹深水埗新盤傲凱,「揀呢度主要睇間隔、地區。中資發展商就盡量避免,睇親質素差少少,最近咪啟德龍譽。交樓質素嚟講,就算邊個發展商都唔會抱太大期望」。

他購入傲凱一房單位,實用287方呎,最近收樓。資深驗樓師賴達明「明哥」負責驗收他單位,指交樓質素算不俗,只是幾處瑕疵,例如浴室企缸玻璃浴屏門鉸刮花、露台門邊有隙及防水膠邊破損。至於客廳與睡房之間磚牆容易受冷縮熱脹影響,出現一條較長收水裂紋,可要求發展商派員執油,驗樓評分有94分。

記者:陳家雄

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載