蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年05月27日
馬上成為壹會員

邊做邊學金融科技 張向囝囝「埋手」

張耀堂與家人出席細仔大學畢業典禮。

【本報訊】連阿里巴巴主席馬雲都講過,二十多年前在港推出的八達通系統曾領先全球,但本港科技優勢不再是必然。隨着手機錢包大行其道,內地居民使用二維碼滲透衣食住行,靠線下(離線)業務起家的八達通,近年亦積極拓展線上收益如P2P、虛擬卡及二維碼等,但能否華麗轉身仍待時間證明。

銀行界「紅褲仔」出身的八達通行政總裁張耀堂(Sunny)笑說,自己亦「邊做邊學」,朝金融科技大勢邁步。

做CEO難,做Fintech CEO更難,既要懂風險合規又要識科技,他形容八達通「主要命脈就係科技」,公司並非突然變身Fintech,但「現實上好難搵一個瓣瓣掂的人」,作為舵手最重要找到合適專才輔助自己,「亦要營造一個環境畀後生仔多啲提議」。

相關新聞:曾短暫退休「非容易適應」

「叫阿仔用完後畀意見」

除了公司後生仔,他亦深諳向家中後生仔──兩個兒子「埋手」。無論學新的手機應用程式或測試服務,「當唔掂就係叫阿仔,點解個電話會咁樣……如果我哋有新App出,第一時間就叫個仔下載用完之後有咩意見話我知。」

大兒子雖沒投身金融界,但亦會幫手「贒實」生意機會。「好多時佢見到邊到唔收八達通就WhatsApp我,老竇點解呢間咖啡店都唔收八達通,點搞呀你哋?」

人多好辦事,他亦延伸至公司各個層面。早前政府推公共交通費用補貼計劃,市民透過八達通拍卡便可領取,為確保首個「回水日」(2月16日)暢順,Sunny發動員工攜眷,踏入凌晨「當親子夜宵活動」測試系統,「200幾個同事喺街去唔同舖頭及領取站試下攞唔攞到……我個仔都喺中環仲拍咗條片返嚟。」

八達通發卡逾3,600萬張,佔本港公交支付量9成,惟線下增長始終有局限,港鐵明年中亦會增設二維碼入閘。張耀堂稱,「唔可以期望永遠都佔9成」,線上購物則無疆界,去年該公司零售業務金額收益創歷史新高,他希望雙位數增長情況能持續。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載