蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年05月27日
馬上成為壹會員

曾短暫退休「非容易適應」

銀行界出身的張耀堂,2011年加盟八達通。

【本報訊】年底便慶祝65歲大壽的八達通舵手張耀堂(Sunny),天生童顏不老,但屈指一數,由1973年於遠東銀行(後來被花旗集團併購)「數銀紙」入行計起,至今在金融界已逾45年,連他自己也笑說「超晒班……呢方面(年資)真係可以叫資深㗎嘞,都可以係當之無愧。」

相關新聞:邊做邊學金融科技 張向囝囝「埋手」

4個月後開始失落

2011年他加盟八達通,掌舵至2014年「登六」後,曾短暫退休9個月,翌年獲邀重出江湖,其3年合約於去年屆滿並再獲延任,但最新任期多久他則保持神秘不作評論。

經過首次短暫退休後復出,Sunny更明白退休前要做好準備。「我太太成日都警告我,佢話你要有足夠嘅準備先好退啊,如果唔係返到嚟,我唔得閒睬你(成日陪住)㗎,因為佢有好多節目。」

張耀堂本以為退休後出任一兩份獨董,便夠打發不少閒暇,「但原來都唔夠嘅」。上班時24個鐘都唔夠用,突然退下火線嘆世界,亦非想像中容易適應。「頭兩三個月真係快活過神仙,打波啊去邊到根本唔使諗個時間……但過多3、4個月開始有啲失落。」

某天接到舊舖來電,其接班人已離職,詢問他可有興趣回巢,「電話背後啲口水滴晒出嚟,幾乎想講話好啊即刻簽約。」

退與不退,人生總有挑戰。現代人長壽但「總唔會真係長命百二歲」,Sunny相信,當下一站「退休」來臨時,自己會更ready應對。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載