› 選擇地區
三藩市
紐約
洛杉磯
其他美國地區
香港 台灣 北美
 
2019年06月17日

【智取大市】送中樓市真禍害 - 晉佳

送中肯定會造成流亡香港嘅中資從樓市撤資,加上香港政策法被廢風險,樓市風險極大。 資料圖片

送中肯定會造成流亡香港嘅中資從樓市撤資,加上香港政策法被廢風險,樓市風險極大,實在諗唔到有樓人士不反送中的理由,以下慢慢講原因。

《逃犯條例》修訂引發美國議員提出修訂《美國-香港政策法》,由於《美國-香港政策法》係由美國國會通過,廢除自然經由國會話事,正路地,會成為特朗普向習近平施壓嘅其中一個環節。

《美國-香港政策法》影響,就在於進口美國貨要畀關稅,例如國泰(293)買飛機,變咗要買歐洲Airbus,部份機器要畀稅、或轉用國產貨,食品最多轉晒做日本貨。同時會影響投行喺香港投資意欲(基本上《逃犯條例》已逼投行縮減投資)等等。如果修訂《逃犯條例》同廢除《美國-香港政策法》同時發生,殺害力就相當大。因為係優惠政策、經濟自由度、資金流同經濟同時重創,樓市真係頂得住?

貿發局6月發咗份經貿研究報告,其中,2017年香港主要服務輸出市場當中,美國佔14.3%。2017年,英屬維爾京群島同開曼群島(代表不明來歷)嘅主要投資者比例達四成,估計大部份來自中國。2018年母公司所在地,有18.3%來自美國,11.4%來自中國。大概可以參考,推送中加廢除香港政策法,對香港禍害有幾大。

晉佳
http://fb.com/advanceguy1
本欄逢周一、三、五刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載