› 選擇地區
三藩市
紐約
洛杉磯
其他美國地區
香港 台灣 北美
 
2019年06月21日

孫柏文:有信心俄鋁恢復派息 - 李華華

孫柏文噚日着咗「Where's Our Dividend」白色Tee出席俄鋁股東會。孫柏文提供

【中環在線】俄鋁(486)去年被美國制裁,股價跌到趴晒街,獨立股評人孫柏文就聲稱大手買入,轉個頭個制裁今年初擱置,股價大幅反彈,贏咗漂亮嘅一仗。噚日佢就維權投資者上身,着咗「Where's Our Dividend」白色Tee出席俄鋁股東會質問管理層,問點解咁耐唔派息。

不過經過股東會後,唔知係咪管理層解說得好,孫柏文話好有信心俄鋁會喺中期業績後恢復派息,仲引述財務總監話只要鋁價穩定,公司就會派息。華華問佢會否繼續持有俄鋁,孫柏文話根據公司年報等數據,俄鋁係現時估值最平嘅公司,所以會繼續持有。

另外,平時幫政府護航嘅前律政司司長梁愛詩,亦都以公司獨董身份出席股東會,罕有地講下生意經,佢話俄鋁正消化緊美國制裁嘅影響。問到鋁價走勢對公司影響,佢話所有商品價格都有起有跌,但公司實力同埋發展先係最緊要,公司正朝製造高質量鋁發展。

最後梗係問修訂《逃犯條例》啦,點知佢走咗。

李華華
mailto:LiWaWa@AppleDaily.com


LiWaWa@AppleDaily.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載