› 選擇地區
三藩市
紐約
洛杉磯
其他美國地區
香港 台灣 北美
 
2019年07月04日

【冰說聰明】士多助王維基打江山 - 青冰

王維基較早前被問及對《逃犯條例》的意見,巧妙地避開了敏感議題,同士多老闆比,政治智慧高下立見。資料圖片

士多老闆上月出咗個撐送中post,激起民憤,罷買及取消戶口不計其數,更多網民更表明,轉而幫襯王維基的HKTVmall。實質有幾多生意去咗香港電視(1137),未來幾日將公佈的次季銷售數字,應看到端倪,不過股價就搶先爆升,6月升28%,股價起步之時,正是士多出post翌日。

王維基上月初出席股東會,被問及對《逃犯條例》的意見,他指與業務沒太大關係,不方便作答,巧妙地避開了敏感議題,同士多老闆比,政治智慧高下立見。

講番盤數,士多出事至六月尾,大概只有半個月,即使大家全部轉會,棄士多買TVmall,對整體的次季數字,影響相對較少,但市場上(包括青冰)將注視六月條數,多於整個次季的數字,如果六月爆靚,咁下半年增長應更勁。香港電視在3月公佈業績時,寫明今年的營業額目標是32億元,但首季只有6.34億,換言之次季交出10億,按進度才過半,係有難度架,不過即使miss,6月銷售額谷到3、4億,市場應該都收貨。

股價自5月底累升50%,在最近十幾個交易日成交大增,相信都不是靠一班盲毛推得郁嘅,股價走在消息之前,最奇嘅係,如果google返近半個月香港電視或王維基的新聞,實在係乜都冇,最接近的是莎莎(178)正式進駐HKTVmall開網店,但你信唔信莎莎的加入,刺激香港電視股價升近五成?所以只能相信春江鴨掌握了更重要的資訊。

話說回頭,講來講去,都仲係講緊營業額,仲未見到盈利,王維基在股東會也直言,做少啲生意係會快啲收支平衡,但佢更想搶市佔率,因為有高銷售額,才會對商戶有更強的議價能力,換言之扭虧不是目標,谷大條數吸更多客,才是目標,這個策略,正是當年香港寬頻打破電盈(008)壟斷的招數啊。

青冰
http://fb.com/chingbing888
本欄逢周四刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載