› 選擇地區
三藩市
紐約
洛杉磯
其他美國地區
香港 台灣 北美
 
2019年07月09日

【金手指】有冇得經濟「佔中」? - 孫柏文

揸住資本嘅人,一向都唔會當啲錢係武器硬撼。錢嘅功用,係當個實體舢舨充砲艇時,市場價格錯誤,就先打落去。 資料圖片

上周,孫柏文同個喺投行做嘢、深黃近乎自決派嘅師妹食飯。佢就問我:「有咩方法,喺經濟上反攻北京呢?實體佔中唔work,有冇金融經濟上嘅佔中呢?例如沽爆啲大陸股票?」

講真,全球投行職員,除咗銀行資不抵債要揸兜問現在及未來納稅人攞錢吊命時外,一向對公共政策唔熟。錢,係唔會鬥氣嘅。揸住資本嘅人,一向都唔會當啲錢係武器硬撼。錢嘅功用,係當個實體舢舨充砲艇時,市場價格錯誤,就先打落去。而攞命嘅位,就係個實體因某種理由,不能接受自己得番舢舨價。所以如果你同我師妹一樣,都諗住玩「經濟佔中」,最有效嘅方法,就係拆穿隻砲艇原來只係隻舢舨。

𠵱家大陸冇外滙。大陸政府打國民攞錢走,已去到無所不用其極嘅境界。聯儲局縮表下,大陸銀行疑似用衍生工具充有大把美元。你有冇能力揭開呢個面紗?人仔搵到真市價時,條「帶」就可成自絞之歸西「路」。

始終,一百年來,未試過有共產政權統治過一個資訊完全流通嘅地方。消息話佢哋內部檢討緊喺香港嘅「宣傳工作」喎,我只可以話,豬搽口唇膏都仲係隻豬。瞞得一時,都瞞唔過香港人。一隻走得太遠,冇油回航嘅大戰艦,只會吸引鯊魚等佢沉。Be鯊魚,my friends。

孫柏文
獨立股評人
http://fb.com/shuen
本欄逢周二刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載