› 選擇地區
三藩市
紐約
洛杉磯
其他美國地區
香港 台灣 北美
 
2019年07月22日

【智取大市】國策離不開醫藥 - 晉佳

藥明生物今年上半年低位反彈八成,反映受惠中央扶持政策出台。若見回吐,值得吸納持有。
互聯網圖片

舊年大跌市加上藥品集中採購試點政策,令到醫藥股雞毛鴨血,跌到最低位時,反映咗政策全國通行將會令盈利腰斬甚至跌更多,但忽視咗潛在中國長遠扶持醫藥政策。

集中採購制度令藥價更平,令人民受惠,醫藥股長年暴利縮減之餘,亦倒逼相關公司改變過往將近半收入被「銷售及行政開支」抵銷嘅做法。究竟未來政策會逼使醫藥股如何分餅仔?醫藥股自然有其變數。

集中採購制度減低醫藥企業開發新藥意欲,絕對係大國發展過程中不容許發生。本欄舊年年尾講過,中國遲早有鼓勵新藥開發嘅政策推出,結果最近國務院就有「健康中國」行動,生科股係贏家。

生科股裏面,CRO龍頭藥明生物(2269)已經重返80元以上,係舊年4月左右嘅水平,代表呢隻高速增長能見度極高嘅股份,過去一年冇升過,加上主要股東不斷減持,先至喺股價不升、盈利增長情況下將估值拉低了,2019年預測市盈率約80倍,牌面嚇怕人,但嚟緊大量Projects已確保未來數年高速增長。

藥明股價今年上半年由低位反彈八成,已反映中央扶持政策出台,亦告別了大減價時段,但市況波動令股價回吐嘅話,仍然值得吸納持有。

晉佳
http://fb.com/advanceguy1
本欄逢周一、三、五刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載