› 選擇地區
三藩市
紐約
洛杉磯
其他美國地區
香港 台灣 北美
 
2019年07月24日

【創業起義】這是恐襲 不是衝突 - 尹思哲

香港近期社會撕裂,一些面向國際市場的Startup,已陸續將公司遷離香港。 資料圖片

以前電影至有嘅情節,𠵱家逢禮拜日,打開fb就睇得到。呢次元朗恐怖襲擊,可以稱為港版「廝殺列車」!

對上呢個星期日晚,一群白衫恐怖分子衝入元朗站,撬開鐵閘,走入車廂,公然襲擊車上乘客,有收工返屋企嘅無辜市民、議員、女記者被狂徒追打,血流披面,有大肚婆倒地。平時最鍾意譴責暴力嘅建制派、撐警人士,你哋去晒邊?

香港近期嘅情況,社會撕裂,民不聊生,已逐步進入無法管治的邊緣。喺歷史上,每當苦難降臨之時,總有人可以未雨綢繆,做好防範措施,等自己唔好身陷困境。例如身邊部分創辦人朋友,尤其面向國際市場的Startup,其實不少已陸續行動,將公司遷離香港這是非之地。

朋友S幾個月前,在美中貿易戰仍未開打之際,就將公司遷冊新加坡。佢嘅生意,屬軟件科技產品類別,客戶當中不乏美國公司,若科技行業被加徵關稅,而香港又不能倖免,他將勢必大受影響。

另一位創辦人L,情況就無咁好彩,他的智能硬件產品,生產線設於內地,縱使公司在香港註冊,但要於美國Amazon網站上架,公司就要「硬食」額外25%的關稅成本。

至於本地人工智能初創Miro,本來正在籌措的一輪200萬美元融資,但有機會參投的美國投資者,最終選擇決定離開談判桌,最大原因正是香港近期地緣政治亂局以及美中科技戰。

Miro創辦人Taylor Host受訪時表示,若要繼續跟潛在美國投資者談判,遷冊屬在所難免,他們最後選址美國東北部特拉華州,作為新註冊地,營運和團隊則暫時留在香港。

講到底,從來觸覺最敏銳、最懂得be water靈活走位的,一就係做生意的商人,二係嗰啲去到邊度都搵到食嘅叻人。當香港政府同警察無能力保護市民生命財產安全,當香港變成一個充滿不確定性的地方,請問香港點樣留得住佢哋?


尹思哲
http://linkedin.com/in/wanszezit


wanszezit@gmail.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載