› 選擇地區
三藩市
紐約
洛杉磯
其他美國地區
香港 台灣 北美
 
2019年07月24日

元朗上車客縮沙
睇樓量跌90% 尚築劈價10%

元朗二手睇樓量大跌,成交慘淡。

【本報訊】黑幫暴徒橫行元朗,令外界關注區內治安問題,並是否適宜置業。有區內代理表示,「恐襲」事件已開始打擊部份外區客信心,短短兩天已出現三至四宗買家「縮沙」個案,其中現於荃灣區租樓的一對母女,原欲於元朗置業,現表明「呢區唔會諗住」。尚築亦有業主劈價近一成走貨。
記者:朱連峰 李嘉俊

相關新聞:OMA OMA首撻定 損手28萬

黑道暴徒殺入元朗西鐵站瘋狂「恐襲式」襲擊市民,事件不但令居民活於惶恐中,擔心暴力升級,甚至已打擊上車客以元朗作為置業天堂的形象。利嘉閣陳奕熙稱,元朗發生暴力事件後,雖然對「住緊呢區啲人唔會介意」 ,但對於一些會比較不同地區的外區客便會有影響,在有選擇下,「佢哋對呢區已卻步,把元朗打交叉」。他透露,旗下分行已有三至四名準買家,原本計劃於元朗置業,現已因暴力事件而卻步。

區內二手成交慘淡

陳稱,有一對母女,現於荃灣荃景圍租樓住,「諗住買入元朗平啲,已經睇緊樓,主要係雞地附近啲單幢樓,實用率又高,睇中好順意大廈280呎兩房單位,預算430萬至450萬,原本約咗今星期六、日睇樓,點知元朗爆單咁嘅嘢,個客即時話呢區唔諗住」。好順意大廈所在的雞地一帶,早前便有大批白衣人士聚集。

元朗「恐襲」發生後,雖然昨天各大代理行已如常營業,但來到元朗睇樓的市民不多。一名不願透露姓名的代理表示,由於周日爆發「元朗無差別暴力行為」,有不少買家擔心有安全隱憂,元朗區本周一、二兩日睇樓量約只有5宗,睇樓量大跌九成。二手成交更見慘淡,僅錄一至兩宗成交,包括尚悅及尚築。

其中洪水橋尚築2樓一個市價逾400萬元開放式單位,實用面積243方呎,本月10日開價390萬元放盤,昨減價20萬至370萬元成交,呎價15,226元。其毗鄰22室面積一樣單位,上月以408萬元成交,呎價16,790元,反映今次成交比市價賣平近一成。

YOHO Town降叫價

元朗亦已出現三宗減價放盤個案,包括元朗市中心指標屋苑YOHO Town,1座低層G室,實用面積393方呎,放盤不夠十天便要減價,叫價由680萬調低至660萬元。而朗屏8號1座低層D室,業主擔心局勢持續,其後難以放售,故減價推盤,叫價由740萬減至720萬元。另外,一些叫價離地放盤,業主亦軟化,叫價重回「地面」,如溱柏3座高層F室,減價60萬至720萬元市價放售。

不過,陳奕熙相信,元朗始終是上車天堂,提供不少可承造八成按揭的600萬元內上車盤,成交一定會有,只是樓價未回落,當樓價稍跌便會吸引上車客入市。

天水圍嘉湖山莊7期10座高層A室,實用面積635方呎,昨售670萬元,較估值低逾7%。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載