› 選擇地區
三藩市
紐約
洛杉磯
其他美國地區
香港 台灣 北美
 
2019年07月24日

【中環在線】孫宇晨「患腎石」放股神飛機 - 李華華

美國「股神」畢菲特每年一度嘅慈善午宴,上月以456萬美元俾年僅28歲嘅虛擬貨幣「波場幣」創辦人孫宇晨投得,原本約咗聽日喺三藩市食飯,但孫宇晨突然放飛機,原因係患上急性腎結石。

孫宇晨喺微博話,目前身體情況一切穩定,處於恢復期,但無法接受採訪,請各位原諒咁話,「待近期身體恢復後,將很快與外界見面。」究竟佢係真病定假病?

涉嫌非法集資及洗錢

查實本身孫宇晨喺內地非常具爭議,有網友向《21世紀經濟報道》爆料,話佢涉嫌非法集資、洗錢、涉黃涉賭,例如佢創辦嘅「陪我APP」,已經被官媒《新華社》調查涉黃直播平台時點名,話主播慫恿聽眾打賞刷禮物收聽挑逗性內容,個App已經落咗架。

兼且,孫宇晨試過利用虛擬貨幣「波場幣」嚟集資,一度畀人話佢係非法集資兼洗黑錢,但佢就話波場幣基金會位於新加坡,符合新加坡當地的法律法規咁話喎。

年輕、有爭議、捲入欺騙案、利用虛擬貨幣集資發達,呢堆經歷,咁似香港一個人嘅?難怪有人形容佢係「中國版幣少」。

李華華
mailto:LiWaWa@AppleDaily.com


LiWaWa@AppleDaily.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載