› 選擇地區
三藩市
紐約
洛杉磯
其他美國地區
香港 台灣 北美
 
2019年07月29日

十大屋苑周末僅1宗成交
二手9個月最靜
元朗遊行前 Midtown趕及易手

【本報訊】前日大批市民往元朗「散步」,過去兩日區內僅1宗Yoho Midtown二手成交,促成交易經紀坦言買賣雙方「傾咗一段時間」、「咁啱得閒」。二手交投淡靜,中原地產十大屋苑周六日僅1宗成交,創38周(約9個月)新低,向來交投最多的傳統新界上車屋苑天水圍嘉湖山莊自7.21後更是未聞成交。
記者:陳家雄

有經紀指,準買家想趁機鋤價,惟業主未有明顯劈價跡象。個別減價成交後卻仍是破頂埋單,如長沙灣美居中心創屋苑新高。

過去兩日,中原地產十大屋苑僅得1宗來自將軍澳新都城的成交,比上周減少6宗或85.7%,創38周新低。其中,天水圍嘉湖山莊自7月21日後更未錄買賣成交。美聯物業統計十大屋苑錄3宗成交,較上周減少5宗或62.5%,連續10個周末維持單位成交宗數。兩大行認為主要由於周六大埔白石角新盤朗濤開售,但亦著墨指近期社會活動是影響原因之一。

準買家圖趁機鋤價

元朗過去兩日僅1宗成交,為Yoho Midtown 1座低層A室,實用443方呎,業主今年3月放盤叫價800萬元,7月初將叫價調整至約770萬元,最後累減六口價,以748萬元成交,呎價16,885元。促成這宗成交的中原地產元朗世宙分行經理陳彥榮表示,雙方周末相約簽約,「咁啱佢哋得閒,無專登揀嗰日(27號),其實中午已開始簽完,當時條街都開始多人,但未去到真正開始。時間都提早,咁我哋梗係約早啲,唔會約『開波』嗰啲時間,大家都就到咪咩(簽)囉﹗買得樓,有需要買就買,買家係外區客,見價錢啱咪買。雙方傾咗一段時間,唔係周末睇,周末買,係之前睇咗,考慮咗一輪,周末做決定。買家搵樓搵咗一段時間,其實去邊買樓都諗住執平貨,唔一定係元朗。以我所知,買家唔係話專登邊度亂就去邊度買樓,佢只係想買鐵路盤。業主就無呢個價都唔會賣,佢唔係話亂,就即刻減畀你,唔係驚、腳軟,唔係﹗佢係啱價先賣,都唔係話因為乜事而劈價。」

據中原地產資料顯示,截至本月27日,7月份元朗區錄64宗二手成交,比今年1月所錄80宗為低,料創單月新低。中原地產高級資深營業董事方啟明表示,市面昨回復正常,前線同事約準買家來區內睇樓。買家都有意欲入市,試圖睇吓有無單位趁這段時間可鋤價,要求減幅由5%至8%,業主暫時變動不大,因為明白社會運動是暫時性、「唔係好災難性」,暫未見業主有明顯減價,叫價貼市。對於區內二手成交減少,相信與社會運動關係不大,主因同期新盤搶客。

美居中心578萬破頂沽

另外,中原地產楊麗珍指青衣灝景灣5座低層F室,實用538方呎,由910萬元減至888萬元沽,業主2016年以596萬元購入一直出租,最近決定轉租為賣。長沙灣美居中心3座高層E室,實用322方呎,原叫價690萬元減至578萬元沽,成交價及呎價均破頂。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載