› 選擇地區
三藩市
紐約
洛杉磯
其他美國地區
香港 台灣 北美
 
2019年08月13日

【Can Bank】林鄭的經濟海嘯 - 散子

林鄭發表經濟海嘯論,係打算用經濟政策海嘯式蓋過政治訴求,準備大打經濟牌。 資料圖片

林鄭上個星期見記者,送上四個字:「經濟海嘯」。從經濟數據睇,就未見到有咩海嘯,至於經濟不明朗因素,近期各區示威行動的確對零售有影響,不過未夠三個月,就可以令到經濟衰退,林鄭政府似乎太睇得起示威者。

至於英國脫歐,本港直接從事歐洲之間貿易既公司少之又少,脫歐心理大過實質;至於中美貿易戰,影響較大,但時好時壞情況由去年已經開始。林鄭在股市只微調2,000點之後就宣佈經濟海嘯已經出現,除非收到內幕消息,中或美準備宣佈談判破裂,否則都係言之尚早。

林鄭喺呢個時候發表經濟海嘯論,說穿了就係打算用經濟政策海嘯式蓋過政治訴求,準備大打經濟牌。加上中央「協調」各大企業,地產商又好,航空公司都好,亦連環跪低,代表政府已實際地出招分化港人。

林鄭在英殖時期受教育長大,到今日都仍然不明白示威者點解有咁多人支持,點解咁多和理非會支持勇武?咁多年來,香港人有咩時候支持過暴力?但近兩三個月,警察濫權、濫捕,甚至與黑社會有撇不清的關係,開記者會又無合理解釋,運動已經由包圍立法會到包圍各區警署,但這種不對等暴力卻有增無減,正是林鄭多次無法成功分化的原因。

散子
http://fb.com/ 散子-257101397966975

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載