蘋果日報 | APPLE DAILY
› 選擇地區
三藩市
紐約
洛杉磯
其他美國地區
2012年12月18日

IBM預言!!! 五大多啦A夢法寶快成真

IBM發表報告,預言5年內,將會出現5種超強新技術,足以模擬人類的感官功能。
建立時間 (HKT): 1218 06:00

今日今日的科技,一日都唔止千里啦,所以對未來科技預測,大膽少少都冇問題。IBM連續第7年,發表「IBM5in5」報告。最新報告,預測在未來五年內,將會出現5種超強新技術,足以模擬人類的感官功能,具備視覺、嗅覺、觸覺、味覺和聽覺能力,直頭勁到好似多啦A夢法寶咁。

電子觸覺:
IBM預測,5年內手機唔止可以用來聽、用來睇,仲可以用來摸!到時手機只要利用唔同的震動頻率,就可以模擬唔同質感。網上買衫時,想知件衫靚唔靚?叫賣家用手機share「質感」畀你。
相似法寶-幻想水感眼鏡 :眼鏡但外形為護目鏡形式,戴上去就可以睇到同感覺到潛水感覺。

電子視覺:
未來科技,將會令「有圖有真相」重新定義。5年內,電腦可以好似人類咁,一收到張相或者影片,就識分析同理解當中的內容。呢種科技,對醫生有極大幫助,當電腦拎到病人的掃瞄影像,就可以極速分辨病人有冇病,有咩病,幫醫生睇一連肉眼都睇唔到的細節。
相似法寶-放大燈 :所有的東西一被照,就會變大。

電子聽覺:
5年後,電腦可以學識人類說話時的情緒變化,分析說話者的聲調、語氣和猶豫程度,令唔同人溝通無間,到時人與人,等別男女朋友之間溝通,就算有人講反話,只要靠新技術,就可以知道對方心嗰句。新科技甚至可以分析BB話,BB想講咩,問電腦就知!
相似法寶- 翻譯糕: 食咗之後,可用唔同語言(包括外星語言)同人對話,亦可解譯文字,甚至可以和動物交談

電子味覺:
IBM研究人員,目前根據人類對個別味道和香氣偏好,開發一套系統,用以創出更多你諗都冇諗過的新菜式組合,例如用炭燒栗子配搭水煮紅菜頭、鮮魚子醬和風乾火腿,令食家口味一新。
相似法寶- 美味調味料 :美味調味料係一種粉,可以將唔好吃的東西,都變到好好吃。

電子嗅覺:
未來5年,只要於手機安裝感應器,佢就可以用嗅覺技術,將口氣加以分析,隨時同你BodyCheck,監測你身體。電子嗅覺技術仲可以用來監測垃圾、排污、污染等問題,有助城市管理當局及早察覺潛在禍害,避免釀成巨災。
相似法寶- 強力嗅覺鼻 :外形係一個鼻,戴上去就會好似狗一樣,有很強的嗅覺。

資料參考:IBM /IBMYoutube / 多啦A夢Wiki

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載