蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年07月07日

【暴力洗倉】林一鳴:H指勢一浪低於一浪

建立時間 (HKT): 0707 06:00

資深投資者林一鳴四月下旬發表恒指28000近見頂論後,上月底再準確預測中央救市勢加速熊市來臨,他今早再在社交網站指H指高位下跌20%,已可確認陷熊市。

林一鳴接受本報查詢時指,確認H指走入熊市後,不代表指數會一面倒直插,估計跌至一定水平會出現吸納而反彈,但最終會難逃一浪低於一浪的走勢,但熊市持續性仍難準確預測,「每次熊市都一樣,開頭仲會有九成人看好,所以每次下跌都有資金買,但結果都會掉頭下跌,最終看好比例一次比一次少,到只剩低兩至三成時,就有機會見底。」至於恒指,他指雖然技術上未跌至熊市水平,但估計下半年亦難逃熊市命運,投資者穩健計應該避險收息板塊如領匯(823)。

H指極速步入熊市,他再歸究是中央救市令市場恐慌累事,「本來仲有啲人係個水度游梗,你咁大個水泡掟落嚟,有能力自己游(不沽貨)嘅,都走埋去當救生艇攬住(沽貨),但全世界都攬住時,個水泡就會沉,變成攬住一齊死。」他指,昨日過後情況再有惡化跡象,因為市場已開始連政府也不相信,目前已是兵荒馬亂,恐慌會進一步加劇。

不過對於樓市,林一鳴仍維持看法指下半年亦不會見到大跌,並以09年市況大跌一役看,指當時樓市亦未跟隨大跌,「因為股市輸咗錢,就更加唔願意賣咗自己層樓,反而仲可能將股市嘅錢放入樓市。」

記者:林靜

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載