蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年03月15日

【收市閒情】香港01,亞視之後的一個奇蹟(千頌C)

建立時間 (HKT): 0315 06:00

我係廣告界一個小薯,喺呢行撈咁多年,我諗香港01,係繼不死亞視之後,Media界嘅一個奇蹟!上帝創造天地都要七日,但一份周報,竟然可以喺創刊號上架未滿一周,就創造兩個世界級關公災難!

今朝起身碌Facebook,見到「香港01」出Po,講「毛記台慶」冠名費幾銀,真係當堂嚇一跳,然後我真係忽然小志上身,大喝一句:「出嚟啦!關公!」

你可能會話,噚日好多傳媒都報咗呢單新聞啦!冇錯,但冇一間好似香港01咁冇品,竟然將毛記成份用去Sell客嘅Proposal,原汁原味掟上網登晒出嚟!人哋宣傳都未出,佢竟然將成個Show個名搶先公開,連點Sell客,都要俾你加多兩句咀!

老老實實,要拎份Proposal,其實唔難,但大佬呀,你知唔知自己咩身份?你係對家呀!拎對家商業機密大事宣揚,知唔知咩叫職業道德?除非你夠膽同我講,毛記個Show名,對公眾知情權事關重大,大到會令「社會撕裂,大家都輸」,所以唔報唔得。

冇錯,網媒競爭激烈,唔係你死就我亡。要上位,的確要有橋盡度,行頭變得快,要生存,幾時都係「是時候改變了」;但做人、做事操守呢樣基本原則,你一變,就係冇格!過咗條線,就係衰格。

2006年有單新聞,話說可口可樂有個員工,偷咗公司文件加可樂未推出嘅飲品Sample,然後寄信畀百事,話有可口可樂機密資料可賣。不過,作為長期死敵嘅百事,唔單止冇落搭,反而通知可樂捉鬼,最後可樂聯同FBI成功揪出內鬼。知唔知事後百事點講?佢話,「Competitioncansometimesbefierce,butalsomustbefairandlegal。」呢啲叫咩?叫君子!

一間媒體形象,係要時間建立。

創刊號,印漏廣告Logo(而我不知道有咩可能會發生呢個錯),然後回書,已經奇情過將特首「Icanflyoneday」視為「Gag」;但更奇情係,香港01老總就呢件事向員工發信,當然有提過咁係對客戶負責任嘅行為,Fine,冇問題,但其中兩點係咁:

「一個在目前非黄即藍的情緒化局面之下,01非蘋果、非大公/文滙的定位是兩面不討好,會招來各方帽子橫飛的攻擊,是意料中事,特別是今天的網絡文化。」

「這張相應該是自己同事拍的。因為我認得是公司的枱。」

我唔知我啲客點睇呢個Media,但如果我係Cartier,一定開心到飛起,一個廣告,兩個版本,無限Exposure!經一事,蔡一智,如果我有生之年,俾我遇到咁嘅離奇事,我會同平台講,「廣告印錯,大家都輸,是時候回書了」。



by千頌C@堆填區
http://fb.com/winbigwok

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載