› 選擇地區
三藩市
紐約
洛杉磯
其他美國地區
香港 台灣 北美
 
2017年03月22日

【超人答問會】李嘉誠哽咽:香港無理想,只顧炒樓、賺多啲、樓起高啲

最後更新: 0322 19:58 / 建立時間 (HKT): 0322 17:02

【新增影片】

相關新聞:【超人答問會】長地全年成績符預期! 末期息增至1.15元

長和系今日放榜,長和(001)主席李嘉誠在記者會上多次暗示他對下一任特首的期望,他多次重申,新特首和中央的合作關係「睇得好重,好緊要」,他又指社會撕裂等人為問題,就像「女媧補天」可以克服。被問及兒子已表態支持林鄭,李嘉誠指如果以為他操控兒子投票,笑問記者「50歲你會唔會再聽你爸講嘢」,「咁諗係睇低我」。

其後,李嘉誠首度在眾人、鏡頭面前哽咽,聲音沙咳重申:「我愛香港,希望再見到本地一直引以為傲的香港……」李嘉誠說畢有點眼紅、眼鏡起霧,哽咽斷續稱,「今日香港……GDP……得返2%」,又指自己自40年代已到香港,自己是香港人,香港以往有活力,但今日只見大家顧住「炒樓、賺多啲、樓起高啲」,已經無理想。

相關新聞:【超人答問會】長和去年多賺6% 勝預期 末期息1.945元

他又指,一人一票本來已經有,中央已經批准,不過被自己香港人拒絕,「邊個係禍首呀?好少人責備佢哋,我是就是,非就非,唔會是非不分」,再次重申,香港人需要新特首,同中央溝通、與他們合作無間,自己力量少,只是超過1100名選委之一,但問心無愧,又指如果有「男媧補天」一詞,不一定會說「女媧補天」。

「香港未來呢5年,唔能夠再過返過去5年咁,我覺得好可惜。新特首同中央合作得好,呢個好緊要。」當被問到過去香港因為人為因素影響社會,出現撕裂情況,李嘉誠認為人為問題可以解決,自己持比較樂觀態度:「好似女媧補天咁,新特首同中央關係,合作關係,睇得好重,如果新特首肯研究,香港仲有好多機會。」

他又強調,為香港提供新局:「好多時有奇蹟,我出年90歲,我1940年嚟香港,感情好深厚,唔想睇到香港變到樣樣嘢都麻煩,好多麻煩如果有認真去做,與中央有溝通、信任特別好,我哋減少好多無謂的紛爭。」

他其後否認自己喊,「只係有少少傷風,少少感冒」。長和發言人於會後澄清,主席李嘉誠今日在業績會上「只是有少少傷風」,答問題時並沒有哽咽。

掌握財經生活資訊,即Like「蘋果ATM」fb專頁啦!
http://fb.com/appledailyatm

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載