› 選擇地區
三藩市
紐約
洛杉磯
其他美國地區
香港 台灣 北美
 
2017年11月03日

【多謝鄭經理】唔使炒燶機兼獲渣打補償 網民:渣打料事如神!

最後更新: 1103 22:18 / 建立時間 (HKT): 1103 15:40

【新增影片】
上周五聲稱系統故障,令到大批果迷預訂iPhone X時未能轉賬的渣打信用卡,今日終於作出補償,渣打向本報證實,已向涉事未能成功交易的客戶,按其信用卡類別提供特別安排回饋獎賞(視乎卡種及選擇提供亞洲萬里通的飛行里數、現金回贈或積分),同時有網民在網上討論區留言表示,中午已收到渣打補償的里數。

相關新聞:【iPhone X冇水位?】華強北報價僅高千元!瑞聲高開再倒跌

事實上,今日iPhone X正式出貨的第一天,亦因為供應眾多,令一眾炒家只賺得數百元,更有指64GB版本已被先達大莊停收,256GB版本幾乎冇錢賺。一眾渣打信用卡的受害者可謂執返身彩,被渣打cut單,變相不坐炒燶機,又可獲里數作補償。

雖然渣打信用卡客戶今次因禍得福,但未必每個客仔都接受,上次向本報反映被cut單的蕭生向本報表示,選擇不接受渣打的補償,他透露:「渣打有人打電話嚟,話會將『應得』嘅回贈入落我戶口,但我唔接受,我覺得冇5倍都唔得,我最後要求佢向公司反映再回覆我!」

相關新聞:【iPhone X】機價不似預期 果迷盼3萬收機:現實與幻想差好遠

亦有網民在討論區留言表示,「渣打料事如神,袋咗兩萬miles」、「打去多謝渣打啦!X!唔使買機又有分!」。

渣打香港發言人回覆,有關上星期五於網上購買手提電話而未能成功的交易,行方作出特別安排,會按其信用卡的獎賞計劃,回饋予客戶該交易奬賞。

渣打早前亦透過短訊,向10月27日下午因渣打銀行的部份信用卡及部份電子銀行服務出現短暫故障,對客戶造成的不便致歉。

蘋果財經,關心你飯碗
http://fb.com/appledailyatm

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載