› 選擇地區
三藩市
紐約
洛杉磯
其他美國地區
香港 台灣 北美
 
2018年03月31日

【ecjobs青雲路】最緊要有料 賣狗仔粉屯門響朵

建立時間 (HKT): 0331 10:00

香港人熱愛街頭小食,同時也十分嘴刁,要得到食客的支持實屬不易。80後的阿心因喜愛街頭小食,與家人在16年創立麻甩佬狗仔粉,主打狗仔粉、鮮蝦雲吞、碗仔翅等傳統小食,憑着對多款自家製的小食及對用料的高要求,慢慢獲得街坊的支持,吸引不少食客來一食再食。

相關新聞:【ecjobs青雲路】中醫教焗茶煲湯 唔怕捱夜擊退黑眼圈

位於屯門龍門居的麻甩佬狗仔粉,記者去到現場沒有見到滿面鬍鬚,說話粗魯的麻甩佬,反而見到幾位女流之輩在打理,檔主阿心一邊招呼客人,一邊接受記者訪問,「啱啱放工呀?係咪照舊?咖喱三寶,豬皮轉蘿蔔……好多客人每星期都會嚟幫襯2、3次,慢慢都變晒熟客。原本以為係男士會較願意畀錢掃街,所以先起呢個名,不過其實乜嘢客人都有,學生、家庭主婦及後生仔女都會嚟幫襯。」

麻甩佬狗仔粉主打傳統小食,阿心對自家店內的小食充滿信心,「我哋只得外賣,營業時間由朝早11點去到凌晨1點,下晝至夜晚嘅時間就最多人。雖然我哋款式唔多,但每樣小食都好足料,狗仔粉及豆腐花最受歡迎,每日各自都賣到200碗以上。鋪頭主要由我、老公、媽咪及兩位員工打理,我同員工打理店面,媽咪及老公就負責食物烹調,不過今日老公有啲事就冇喺鋪頭。」

相關新聞:【ecjobs青雲路】學檢查及準備工具 做牙醫診所助護

見阿心把小食店顧得有模有樣,其實這是她第一次從事飲食業,「細個鍾意掃街,諗過如果有朝一日開到一間小食店都唔錯,打咗一段時間工後,同屋企人提起創業嘅事,大家都支持。當要討論賣乜嘢小食時,大家都懷念狗仔粉嘅味道,加上唔係周圍都食到,會有賣點。」

造麵條試材料比例

在正式開業前,阿心在物色鋪位及食物製作上都已籌備多時,「開店前1年已經着手準備,好似周圍去唔同賣狗仔粉嘅店鋪試食,自己有買材料喺屋企試整麵條,想要彈牙得嚟又吸到湯底嘅味,材料比例都試咗十幾次。然後就搵粉麵廠訂製,湯底亦係自己調製,呢度前後都用咗幾個月。」

另外,阿心認為現時店鋪位置能做到協同效應,「心目中想搵租金冇咁貴,兼有人流嘅地點,有去過深水埗、旺角及荃灣等地方睇過,但租金太貴,而媽咪住喺屯門龍門居附近,佢話呢度人流唔錯,我哋有嚟睇過環境,最後決定租咗呢個約200呎嘅鋪位。周圍都係食肆,形成一條『食街』,雖然算係屋邨內,但經營一段時間,有時媒體介紹屯門小食時會推薦嚟呢度『搵食』,都有宣傳作用,假日時會有區外客入嚟幫襯。」

擺小販檔拎經驗

沒有經營過小食店,於是阿心嘗試在開業前去擺小販檔汲取經驗,「當時砌咗部木頭車,趁農曆新年前後同老公去咗太子擺檔賣狗仔粉,第一次準備一大煲食物,都有啲手忙腳亂。另外,我哋係整好晒一煲狗仔粉拎去賣,發現全日不斷加熱後,狗仔粉就會糊,冇咁彈牙,所以到正式開鋪時,我哋轉為每次只係整少量,賣晒再整。雖然工作係繁複咗,但質素會有保證。」

麻甩佬狗仔粉在16年正式開張,開業後阿心表示要聽取客人的意見,不斷進行改善,「租咗地方後,驚只係賣狗仔粉一款食物太單調,有推出自家包製嘅鮮蝦雲吞及咖喱三寶。不過喺經營咗一段時間後,客人反映得3款嘢食唔多夠,話有狗仔粉應該要有埋碗仔翅,於是自己去學點整,之後陸續加埋生菜魚肉湯、豆腐花及芝麻糊等小食。中間試過推出台式烤香腸及芒果糯米糍,但客人反應麻麻,而且保存困難,最後冇再賣,現時約賣緊10款小食。」

乜都親手整

食店最重要是食物味道,阿心表示保持質素十分重要,「店內嘅食物全都係自家烹調,咖喱汁自己整、豆腐花自己撞;碗仔翅需要嘅豬肉、冬菇、雲耳等材料都係我哋人手撕成絲。雖然自己製作會花多咗時間及工夫,但每樣食物推出前最緊要係過到自己個關先,好唔好食,客人一食就知,好食自然會有口碑。」

經營了約2年,麻甩佬狗仔粉在區內聚集了一定人氣,阿心目標是多開一間分店,「現在都係邊做邊學,嚟緊會嘗試推出更多傳統小食,短期目標係喺新界區開多一間分店,畀更多人可以食到我哋整嘅嘢食。」

搵好工,即上 http://www.ecjobs.com.hk

阿心創立麻甩佬狗仔粉,全因自己貪吃及心中有個創業夢。在經營了一段日子後,亦得到一定客人支持,「希望整到更多好食嘅小食畀客人,見到佢哋返轉頭幫襯或聽到讚賞時,會覺得辛苦都係值得。」 阿心創立麻甩佬狗仔粉,全因自己貪吃及心中有個創業夢。在經營了一段日子後,亦得到一定客人支持,「希望整到更多好食嘅小食畀客人,見到佢哋返轉頭幫襯或聽到讚賞時,會覺得辛苦都係值得。」 用料實用的麻甩佬狗仔粉頗受街坊歡迎,一到下午時間就會看到有人排隊光顧。 用料實用的麻甩佬狗仔粉頗受街坊歡迎,一到下午時間就會看到有人排隊光顧。 阿心與母親(左)一同打理麻甩佬狗仔粉,阿心說︰「媽咪負責早更,夜更就由我接手。」 阿心與母親(左)一同打理麻甩佬狗仔粉,阿心說︰「媽咪負責早更,夜更就由我接手。」
招牌狗仔粉 $24
狗仔粉吸收了用蝦皮、冬菇絲、豬油渣煮成的湯底,狗仔粉有咬口,湯底濃而不膩,食客還可以配上香葱及自家製菜脯,菜脯可選辣或不辣,材料十足。 招牌狗仔粉 $24 狗仔粉吸收了用蝦皮、冬菇絲、豬油渣煮成的湯底,狗仔粉有咬口,湯底濃而不膩,食客還可以配上香葱及自家製菜脯,菜脯可選辣或不辣,材料十足。 咖喱魚蛋 $10/杯
魚蛋彈牙,帶有淡淡陳皮香, 配上自家製的咖喱汁,十分惹味。 咖喱魚蛋 $10/杯 魚蛋彈牙,帶有淡淡陳皮香, 配上自家製的咖喱汁,十分惹味。 鮮蝦雲吞 $20/5粒 $28/8粒
每粒雲吞都是阿心和家人用人手包製,雲吞內都有原隻鮮蝦,啖啖鮮味。 鮮蝦雲吞 $20/5粒 $28/8粒 每粒雲吞都是阿心和家人用人手包製,雲吞內都有原隻鮮蝦,啖啖鮮味。
碗仔翅 $22
豬肉絲、冬菇絲、雲耳絲等材料都經過阿心挑選,製作絕不馬虎。 碗仔翅 $22 豬肉絲、冬菇絲、雲耳絲等材料都經過阿心挑選,製作絕不馬虎。 麻甩佬狗仔粉店內的小食多是自家製作,空閒時阿心就會在店內包雲吞,以作備用。 麻甩佬狗仔粉店內的小食多是自家製作,空閒時阿心就會在店內包雲吞,以作備用。 雖然小食店工作很忙,但阿心不時會關心母親的狀況,她表示多了機會與母親相處,感情亦變得更好。 雖然小食店工作很忙,但阿心不時會關心母親的狀況,她表示多了機會與母親相處,感情亦變得更好。
豆腐花 $5/碗
每日人手用豆漿在店內即撞豆腐花,價錢實惠。 豆腐花 $5/碗 每日人手用豆漿在店內即撞豆腐花,價錢實惠。 客人阿Pan說:「我住喺呢度附近,成日嚟食咖喱魚蛋及狗仔粉,啲粉夠入味,最鍾意加好多菜脯。」 客人阿Pan說:「我住喺呢度附近,成日嚟食咖喱魚蛋及狗仔粉,啲粉夠入味,最鍾意加好多菜脯。」 客人阿傑說:「鍾意食呢度嘅狗仔粉,湯底夠味,每星期都會嚟幫襯。」 客人阿傑說:「鍾意食呢度嘅狗仔粉,湯底夠味,每星期都會嚟幫襯。」
關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載