› 選擇地區
三藩市
紐約
洛杉磯
其他美國地區
香港 台灣 北美
 
2018年04月03日

【ecjobs青雲路】仁光堂營運總監 建立香港護膚品牌

本沒有從商經驗的母女Teresa( 右)及Samantha(左),在建立仁光堂的路上都是跌跌撞撞,雖然兩代間常因意見不合而有爭吵, 但沒有Teresa的堅持及Samantha的改變,仁光堂未必有今天的成績。
建立時間 (HKT): 0403 12:01

近年港人喜歡選購韓國及國外的護膚品牌,天然、有機等詞語亦成為市民選購護膚品的主要跟據。其實香港有不少優質護膚品牌,由Teresa( 曾潔蓮)在00年創立的仁光堂,主打是一系列含有天然山茶花籽成分的有機植物護膚產品,作為二代的Samantha( 鮑卓瑜),在03年加入公司負責市場推廣及建立品牌形象,她認為好的產品也要配合市場推廣,才能有更好的發展,努力將家庭式生意品牌化,目標是讓人想起香港護膚品牌,即想起仁光堂。

相關新聞:【ecjobs青雲路】中醫教焗茶煲湯 唔怕捱夜擊退黑眼圈

仁光堂是由Samantha的母親Teresa在00年所創立,這是一個以天然山茶花籽作主要成分的護膚品牌。Samantha現為公司的營運總監,主要負責市場推廣、產品開發及員工培訓,「我哋嘅皇牌產品山茶花籽油,取自高山山茶花,茶花籽油係有機植物油,不飽和脂肪酸含量高達82.3%,同人體皮膚嘅油脂分泌好接近,容易被皮膚吸收,有加速傷口癒合嘅功效。我哋運用呢個特點,研發面膜、眼部護理、水分啫喱、精華素、洗髮液等唔同類型嘅護理產品。同時我哋拎咗美國USDA及歐盟嘅有機認證,對比其他品牌嘅產品,我哋嘅產品質素一啲都唔輸蝕。」

中七畢業後,Samantha先後進修秘書及市場推廣的高級文憑課程,在95年開始到廣告公司從事市場推廣的工作。「當時媽咪為咗醫好自己嘅濕疹,去中國山區帶咗山茶花籽油返嚟,試用完後皮膚有改善,就介紹畀身邊嘅人,之後想變成一門生意,仲搵咗一間本地美容護膚品實驗室合作,負責產品研發及入樽。當時唔興有機植物油,所以我開頭都唔太認同油類嘅護膚產品,不過見媽咪想搞,就向佢建議推出基本嘅護膚系列,研發爽膚水、乳霜及洗面油等產品。」

相關新聞:【ecjobs青雲路】學檢查及準備工具 做牙醫診所助護

想推廣自家品牌
直至03年,Samantha才正式加入仁光堂,「原本份工太辛苦,上見媽咪打理仁光堂好忙碌,想幫輕佢,自己亦想嘗試做市場推廣,將類似家庭式小生意發展成一個品牌。」

Samanth認為母親性格較為保守,而自己較積極進取,在品牌推廣的方法上常有意見分歧,「媽咪抱住有麝自然香嘅諗法,產品好就會多人幫襯,但我知道除質素外,仲會考慮埋品牌嘅價值及認同感,只靠口碑散佈,速度太慢。我曾計劃進行一波密集式嘅廣告,例如喺網上及雜誌報刊連續幾星期落廣告,令人至少對仁光堂留下印象,但媽咪會擔心使太多錢,令到好多計劃只係有限度去實行。我明白媽咪嘅諗法,但我會覺得有好多掣肘,我哋成日會因工作而冷戰,現在大家都係互相讓步及盡量做到最好。」

開分店撞正SARS
Samantha表示最初品牌是在母親的圈子內推廣,客人多是50歲以上。「原本我哋喺佐敦已有陳列室,但我想去更多年輕人聚集嘅地方開分店,於是03年喺銅鑼灣恒隆中心樓上鋪租咗個單位,點知一開張時就撞正SARS,成棟大廈都冇人行,生意好慘淡,只好靠身邊嘅朋友支持,嗰年都係蝕住做。」

雖然分店觸礁,但Samantha憑着過去從事廣告建立下來的人脈及經驗,在擴展分銷點上有不錯的成果。「我不斷搵朋友幫手喺報刊及網上做產品介紹,當時商務書局及HKTDC Design Gallery嘅負責人試過產品後都覺得唔錯,願意畀我哋喺佢哋分店上架,都幫到我哋推廣,吸引到一班三、四十歲嘅女性顧客。去到07年,綠盈坊、健怡坊、Organic Plus等連鎖品牌相繼搵我哋傾合作,𠵱家我哋喺全港有超過100個分銷點,客人由二十幾歲到六十幾歲都有。」

不停改良產品
Samantha表示現時的產品是聽取客人的意見,逐漸改良而成,「最初推出防曬產品時,茶花籽油嘅比例較多,客人反映比較油膩,唔太鍾意用;到現在已經改良咗3次,新配方變得較清爽。另外,我哋不斷推出新產品,好似洗髮露、護髮油等護髮系列,目標係提供由頭到腳都涵蓋到嘅護理產品。」

近年市場對有機植物油的護膚品接受程度開始提高,Samantha表示會擺放多些資源在品牌發展上,「上年我哋開始經營online shop,令客人能更方便買到我哋嘅產品,現時網上嘅業務約佔生意額嘅10%。最近仁光堂受邀到馬鞍山千色店開專櫃,我希望藉此踏出一步,之後同更多百貨公司及商場合作。」

搵好工,即上 http://www.ecjobs.com.hk

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載