蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年04月17日

【我有嘢問】早餐雞扒好細?大家樂CEO咁樣答...

229,722
最後更新: 0417 11:54 / 建立時間 (HKT): 0417 00:01

大家樂(341)服務全港數十萬計顧客,市民對大家樂都有很多問題,就由CEO羅德承親自回答。

大專生
問:公司三文治可否加返薯片?

答:薯片好「蝦人」,每次製作三文治需要開一包薯片,但用剩的薯片容易變軟,如果員工每次製作三文治開一包新薯片,我們又控制不了成本,故要平衡各方面。

大專生
問:以前早餐雞扒好大塊,但近年變得好細嚿。

答:雞有大有細,「大雞起出嚟塊雞扒大啲,細雞塊雞扒會細啲」。我們有既定規範予供應商參考,但如果規範收緊,供應量會減少,價錢會提高,我們會加緊與供應商溝通。

在港工作5年的伊斯蘭信徒
問:我信奉伊斯蘭教,希望大家樂有清真認證的雞肉和牛肉(halal food),現在去大家樂只能吃魚。

答:明白。但我們面對實際需求和廚房處理食品的問題。「如果爐頭處理完唔係halal嘅肉,再處理halal嘅肉,然後我同你講呢啲係分開處理嘅halal肉,我會有啲言過其實」,而且若食品訂單「唔夠數」,供應商不會送貨。

小學生
問:我想在大家樂吃外國牛扒、日本壽司、刺身。

答:大家樂的牛扒來自紐西蘭;考慮到食物衞生,「魚生壽司我自己都唔敢喺大家樂賣」。如果想吃日本菜,可到集團旗下的丼丼亭。

大埔一哥焗豬fans
問:焗豬太貴了!雖然味道挺好。

答:多謝你!一哥焗豬推出逾30年,市民對其價格比較敏感。製作焗豬工序較繁複,「炒飯底、豬扒要煎、煎完撈汁、撈完鋪芝士、鋪完再焗」,故成本一直上漲,我們定價會考慮顧客的接受能力。

記者:邱曉欣

全球樓行 Dream House零距離
https://hk.feature.appledaily.com/overseasproperty

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載