› 選擇地區
三藩市
紐約
洛杉磯
其他美國地區
香港 台灣 北美
 
2018年05月02日

【真係有得做?】棄五千萬利誘 港產共享尿袋進駐東京

最後更新: 0502 16:22 / 建立時間 (HKT): 0502 00:00

科網初創企業往往是一個燒錢的遊戲,不少老闆,未正式做生意,第一個任務已經是如何融資。奈何數到錢最多,第一步肯定想到強國,但除了紅色資本,難道沒有其他選擇?

相關新聞:【靠乜賺錢】網民轟共享尿袋做唔起 老闆咁答…

上年才創立共享流動手機充電站(坊間稱共享尿袋)Charge Spot聯合創辦人陳德群(Davis),報導出街後即被網友大唱反調,「便利店已經KO你啦」、「香港市場細、無得玩」等,負評此起彼落。但Davis一於無有怕,在半年內已火速找到投資者,更曾有公司用5000萬「買起」公司,但他一於拒絕,終獲日本公司逾億投資,在東京澀谷最旺區設共享尿袋機。

Davis坦言,現時公司先後已獲馬來西亞、泰國等地投資者表明有意投資。他更明言,不會視打入中國市場為目標:「嗰邊競爭太大,鬥燒錢唔划算!」

陳德群指,早在2011年成立第一間IT公司,2016年更被一間上市公司收購。他決定跟另一友人回港重新開始。到去年初,陳德群一直都考慮該往哪一個方向發展:「到3、4月,見國內共享充電開始爆出,有公司12日就融資咗15億人民幣,嗰時香港仲未流行,覺得有得做。」經研究後,發現若自家研發硬件,「到時市場未必等得切」,最後索性收購充電池製造商,9月就正式在港設第一部充電機。

現時市面上共有180部機於香港運作,設於領展商場、碼頭、餐廳等地,目標今年在港放置機器數目達1,000部。充電機需先交付100元按金,首一小時租金為5元,第2至47小時都是計5元,即最高消費10元,到48小時就會自動扣除按金,視直接購買充電池,而首次免費試用。

充電機甫推出,Davis已見過超過40名投資者,其中4名表明有興趣投資。更有上市公司持5000萬港元,揚言欲「買斷」公司,「可以即刻賺錢真係好吸引,不過我真係想將間公司做大,所以無幾耐就reject。」,但Davis都補充:「我哋之間緊係有動搖啦!不過唔想放棄當初想做嘅嘢。」

之後Davis的公司受到日本公司的垂青:「佢哋一見到都覺得好正,因為日本市面仲未有依類型嘅機推出。」與日本公司在去年12月底簽約,4月中就正式有第一部充電機進駐東京澀谷109,更率先在當地舉行發佈會,現場所見有不少當地傳媒到場採訪,他更指由籌備到正式舉辦只用了不夠一個月時間:「日本方面配合得好好,最緊要係軟硬件都已經準備好晒。」

Charge Spot投資者,本身是港日混血兒的INFORICH ASIA創辦人陳日華(Stephen)就指,本身都有考慮過跟內地公司合作:「但係喺香港嘅話,溝通速度會更加快。」他補充,發展初期就會有120部充電機在東京,年內目標在日本國內有7,000部充電機。而充電池更可於日本租用,在香港歸還,方便遊客。

陳德群補充,現時公司已陸續洽談海外公司,料短期內會進駐泰國、馬來西亞等地,他強調:「真係好想,有一個香港嘅Startup,可以爭取多啲榮譽番嚟!」

記者:梁延宇

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載