蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年05月14日

【噼啪×裝修佬】地磗怕凍木板保養難 地板應該點揀?

18,504
最後更新: 0514 11:51 / 建立時間 (HKT): 0514 00:05

每間屋入面總有一幅地面,行到邊都會接觸得到,所以地板的使用率相當高,選擇地面裝修材料時亦應加倍注意。你知道地板材料通常有邊幾種嗎?應該點揀呢?就由裝修妹話你知啦!

第一種是地磚,地磚由黏土燒製而成,有多種花紋,規格由500mm、600mm、 800mm至1000mm都有。地磚係正方形的,容易鋪設。但係行上去感覺就凍冰冰,冬天赤腳都會幾刺激。

第二種係木紋磚,同樣由黏土燒製而成,主要係仿木地板紋理,比四四方方的地磚更好睇。木紋磚有多種尺寸,但基本上都係長條形。鋪工上會比一般地磚有技巧,尤其是木紋磚有比較高的長闊比率,所以熱脹冷縮下會較易彎曲,鋪設上真係考驗師傅手藝和耐性。

第三種係複合木地板,如果怕用磚會凍親腳仔,用木地板行起來就舒服得多。複合木地板其實係由真木加工而成,但保養上會相當麻煩,既怕水又怕磨。雖然鋪設相對簡單,但對地台要求高。

第四種是與複合木地板相似的無縫地板,用木料加膠水壓製而成,面層由高抗刮物料壓成,所以花紋並非天然,只要避免濕水,耐用度比複合木地板高好多,起碼唔使成日打蠟。

除了以上介紹較常見的地板,其實仲有好多其他類形的地面面材,有機會再同大家講解,請繼續留意「裝修妹話你知」。

裝修佬
本地裝修服務平台網站,提供裝修資訊、問答系統等服務,並設有裝修佬頻道,由行內專業人士以短片形式,深入淺出分享裝修相關知識。
FB:www.facebook.com/hkdecoman

※本片由「裝修佬」授權播出,未經許可禁止轉載
※本節目內嘉賓的言論純屬個人意見,並不代表本台立場

《噼啪》
靈感火光撻着之聲,星火燎原乾柴烈火指定初始音符。
一個平台,引爆創作點子。《噼啪》召喚大腦火花,將你所有未公開,唔敢公開,準備公開嘅影片交畀我。不論題材,一經錄用,幫你發揚光大之餘仲有薄酬。
只要有創意,拍咩你話事!將你嘅片同idea upload上來
靈感觸發點: bigspark@appledaily.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載