蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年06月14日

【ecjobs青雲路】加入KFC 賺滿足感多晉升機會

3,876
建立時間 (HKT): 0614 12:43

【特約報道】打機當然想食雞,但返回現實當中,想起食雞,必會聯想起KFC吃家鄉雞吧。踏入6月,又是學生準備畢業及放暑假的季節,同時有不少學生亦開始尋找工作,但要找一份好的工作並不容易。全港有70多間分店及3千多名員工的KFC,正進行人才招募,今期〈青雲路〉就找來3位在KFC工作的90後員工做訪問,從他們分享的工作經歷中,知道當中的工作實況,他們更在工作中提升了自信及得到滿足感,找到適合自己的崗位,也得到了晉升機會。


Case1 變得主動提升自信
Christy
職位:客戶服務大使

現在KFC工作的Christy,於2017年加入這裹當暑期工,之後更成為兼職員工,「喺暑假就完前,經理問我哋班暑期工有冇興趣轉做兼職,我覺得工作時間有彈性,又唔算辛苦,於是想繼續做落去。做咗一段時間,店內新開咗甜品站,我被派去櫃台幫手,有日公司嘅PR巡店行埋嚟同我講,覺得我嘅溝通技巧唔錯,笑容ok,問我有冇興趣轉去做客戶服務大使。當知道客戶服務大使嘅工作性質,我想試吓新嘅挑戰,於是應承咗。」

主動和客人傾偈
KFC客戶服務大使的工作包括主動與客人溝通,為他們解決問題、推廣新產品、統籌生日會及參與公司的宣傳活動。Christy表示工作讓她改變不少,「自己以前比較內向,喺做咗客戶服務大使後,使命感令我會主動同客人傾偈;當有新產品推出時,我要花時間去記,唔可以馬虎,咁先唔怕俾客人問起,自己做事係認真咗。」

放膽講英文
Christy表示從工作得到不少滿足感,變成了自己向前的推動力,「喺香港國際七人欖球賽期間,我與好多同事去咗大球場嘅分店幫手,期間要招呼唔少外國客人。其實自己平時唔太敢講英文,但工作逼住自己要去講時,多咗機會訓練,令自己放膽去講,提升咗自信。每次幫到客人,聽到簡單嘅一聲多謝,或者見到佢感謝你嘅笑容時,就好有滿足感,係令我繼續工作嘅推動力。」

Case2證明自己實力
小喬
職位:店鋪主任

今年18歲的小喬現是KFC的店鋪主任,在3年前他為了向家人證明自己而加入KFC。「屋企人成日話我出到嚟做嘢,一定捱唔到,當時係中四升中五嘅暑假,我想搵份part time,想證明畀屋企人睇自己捱到及有能力。咁啱有朋友做緊KFC,佢仲介紹埋我入去做員工,我負責廚房位,處理唔同嘅食物,包括炸薯格、炸雞、煮汁,要學習使用唔同嘅烹調工具。」

工作有歸屬感
其後小喬擔任過櫃枱、供應區等不同崗位,「工作氣氛及與同事間相處都好好,覺得份工都唔錯,慢慢對公司有歸屬感,我就決定喺度工作落去。」在這裏工作了3年,最讓小喬難忘及有成功感,是他代表香港區到峇里島參加KFC舉辦的「亞太區冠軍挑戰賽」,與來自日本、台灣、新加坡、馬來西亞等十多個亞洲國家的KFC分店參賽者比試。

個人賽奪兩獎
小喬說:「喺工作時,我聽到參加過比賽嘅同事分享,覺得好有趣,於是上年報名參加廚房崗位個人賽。」比賽要於20分鐘內製作16件炸雞,當中會計算參賽者完成的時間,之後還要清潔廚房,「會睇參賽者嘅步驟啱唔啱,好似炸雞由上粉到拎去炸, 當中有十幾個步驟,公司有規定嘅手法,都唔係咁易。我由店內比賽,到分區賽,再到全港賽,贏咗先有得成為香港區代表。」最後小喬奪得17年「亞太區冠軍挑戰賽」的「Fast Cook」及「Best Cook」兩個獎項。

想更進一層樓
小喬希望在事業上可以更進一步,「主任工作會係協助經理管理店鋪,除咗會喺唔同崗位幫手外,亦開始學招募新人、人手調配等,上一級就會係升見習經理,希望可以繼續向上發展,證明自己嘅能力。」

Case3注重團隊精神
Kathy
職位:助理經理

現時任職KFC助理經理的Kathy,負責店內營運及人手管理,她表示要管理一間分店並不容易,「我要時刻留意分店嘅狀況,因應人流,適時做好人手調配,見到有邊個崗位做唔切,我就要去幫手;另外,食品安全及質素都十分重要,要監控好每一件產品,加上每位同事嘅配合,先帶到畀客人開心嘅用餐體驗。」

今年20歲的Kathy,在KFC工作已有5年,「最初係加入KFC做暑期工,返工畀到我開心嘅感覺,中間有去過其他快餐店做過,但最後都係覺得同KFC班同事有默契啲,一做就做到現在。」

升職學管理
在KFC工作,讓Kathy覺得最有得着的是由前線晉升到管理層,學習到不同的管理技巧,「喺2年前,公司升我做見習經理,安排我去培訓中心參加2個月嘅培訓計劃,有資深嘅餐廳經理教導分店營運、人事管理、食物安全等知識;到工作時,仲會有經理帶住,令我可以慢慢學習,而自己亦愈嚟愈注重團體精神,希望可以帶領好每一位同事。」

獲獎心情興奮
2016年,Kathy以香港區代表身分,參加由KFC舉辦的「亞太區冠軍挑戰賽」中的團體賽。「要參加初賽、複賽,一步步爭取做到香港區代表,然後去新加坡參加總決賽。我哋5個人分崗位負責分店成個運作,然後好似平時咁招待客人,評判會喺店內睇各個崗位嘅配合程度、待客之道、氣氛等作為評分參考,最後得獎個心情真係好興奮。」Kathy的團隊分別奪得16年「Customer Mania」及「Most Customers Served」兩個獎項。

客人讚賞工作肯定
Kathy認為得到客人的讚賞及帶領好團隊獲得的滿足感,是讓她留在KFC工作的原因,「試過收到外國客人send畀公司嘅email,讚我哋分店同事嘅服務好好,令佢哋有一個好好嘅用餐體驗。我睇到封email真係好開心,會覺得有人對自己工作嘅肯定。每日分店能順利營運,每位同事都做好手上嘅工作,已經令我好有滿足感。」

搵好工,即上http://www.ecjobs.com.hk

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載