› 選擇地區
三藩市
紐約
洛杉磯
其他美國地區
香港 台灣 北美
 
2018年07月14日

【八大聯招】入Big 4要主修會計嗎?核數師:其實唔使!

建立時間 (HKT): 0714 00:03

不少人都希望投身會計業,蘋果財經專欄《會師中環》欄主、於Big 4任核數師之「神仙丁」指,「如果你Aim at平平穩穩,餓又餓你唔死,大富大貴又冇你份,咁我覺得係岩你。但要預咗有犧牲,Work-life balance係難啲。」

相關新聞:【八大聯招】若要人工高 要做金融佬?沈大師:BBA值得讀!

他表示,會計業主要分兩大範疇,分別是審計(Auditing),主要進行核數工作;另外是會計(Accounting),即公司內部負責入帳、對數工作。

審計較會計前景穩定,因香港上市公司的核數工作,一般都會由香港核數師出任,需求穩定;晉升機會、人工增幅亦合理,正常做四、五年,月薪可達四、五萬元,「錢就一定夠使,因為你冇乜娛樂。如果你唔睇個時薪,個人會開心啲嘅。唔睇時薪,對比其他商科畢業生,人工算高。」

他指出,如果揀此條路,就要有心理準備收得夜,周末、假期都要返工。他笑言,大學時Big 4都會到大學搞Career talk,當時的講者,很多時都只會說,一年只有首季三至四個月是工作高峰期(Peak season),「但入行後就知,最少半年時間係Peak。如果唔好彩,超過半年時間,星期一至五要收零晨12點打後。」

至於會計工作前景,則較審計差,因現時不少跨國企業的會計部門搬上內地或其他亞洲地區,「搬去新加坡我都有見過。」不過,他又提到「Audit都有樣嘢麻煩,因為香港好多Audit firm幫大陸上市公司做核數,唔知遲啲大陸會唔會要求,上市公司一定要用大陸Audit Firm,之前都有過呢類傳聞出過嚟,會有呢個風險。」

事實上要入Big 4,大學選修會計實非必然。他指出,不需要為入會計業,而特登選讀會計科,「一個Non-business明顯係難入啲嘅,不過BBA有分Account、Econ或普通BBA等,你唔會見到讀Account嘅人,對入呢一行有好大優勢。」他表示,自己讀商科,但非會計主修,入職前只需修讀一個三個月的「雞精班」即可,「反而你本身讀商科,入行後識埋會計,長遠講你涉獵知識會更多。」

記者:倪敏慧

全球樓行 Dream House零距離
https://hk.feature.appledaily.com/overseasproperty

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載