蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年09月05日

【講你波士】論網媒收費 陳志雲引六嬸金句:有人肯睇算好啦,仲收錢?

17,754
建立時間 (HKT): 0905 21:20

由大學開始,工作一直未有離開過傳媒的陳志雲,超過三十年來,面對傳媒的轉變,新媒體掘起,不少人認為傳統媒體會因此而沒落,但在陳志雲眼裡,兩者可以共存共鳴。

「我唔覺得會沒落,睇吓你轉型去做乜嘢」現時任職商台首席智囊的陳志雲率先為廣播界護航,他說:「我覺得聲音唔會沒落」,他舉例,手機看影片需要大量數據之餘,忽然有訊息入來,影片會中斷,但聲音不會。

而且聲音媒體與新媒體不少特徵相似,即時性、互動性、滲透性以及接收範圍都好強。至於文字媒介相對難做,不過他說:「講深入分析,都係要靠文字,係聲音同影像都取替唔到。」

他又認為,目前新媒體與傳統媒體的分別是入門門檻,新媒體門檻較低,造就了年青人有新想法可以發表的平台,加上香港特色。不過成功之後,就會吸引其他人「抄」,所以要有風格,他舉例說:「我覺得『志雲飯局』無得抄,因為無咗志雲就無志雲飯局。」他說:「有自己獨特嘅風格,先可以持續落去。」

走向收費是否一條出路?「香港咩都Free慣,所以Pay好難做!」而Netflix的成功,是因為選擇很多,而且在Free的世界找不到。所以他認為,好視乎收費所提供的是什麼「即時新聞我一定唔會,係人都有啦,我多過頭添呀。」

「Subscription有無得做,就好難話有定無,睇吓係咪淨係收錢嘅Business Model,收錢之後畀咩佢,點比法,Marketing Technique係乜嘢,成盤考慮。」

記者:張活儀

影片:
採訪:張活儀 倪敏慧
編撰:倪敏慧
攝影:卓振輝
剪接、後期:梁智威
編導:梁智威
編審:陳家文

全球樓行 Dream House零距離
https://hk.feature.appledaily.com/overseasproperty

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載