› 選擇地區
三藩市
紐約
洛杉磯
其他美國地區
香港 台灣 北美
 
2018年10月02日

【名家搶先睇】「習股市」升跌模式(晉佳)

習近平連續兩次人為製造跌市(資料圖片)
建立時間 (HKT): 1002 20:04

上周提到,中國經濟利益分餅排序係政治勢力、然後人民、再到企業。貿易戰令中國可分嘅餅減少,分餅排序較落後嘅企業自然要作出犧牲。

相關新聞:【名家搶先睇】中國不認7,500億美元舊債(周顯)

習近平上場後,似乎建立一套股市周期習性。上場後兩次中港股升市中,政治勢力、人民同企業皆大歡喜各取所需,但派餅過後,無論15年大時代,定係今年跌市,中央為清洗太平地,不惜出手隊冧股市,或打壓行業令股市衰多幾錢重。15年斬兩融屬典型例子,今年則肅清板塊,教育、醫藥、手遊、燃氣,熱炒板塊逐一擊落。以醫藥為例,藥品採購降價試點,打壓政治勢力喺藥品行業取利,好讓人民可以更低價購藥,而重慶擬免收燃氣初裝費亦同出一轍。除行業之外,年初至今打海航、寶能,清洗動作到今日仍未停手,於是中港股繼續跌,為連續兩次人為地製造股災。

呢種模式有乜好?面對政治勢力先行的中國,先派餅滿足各方利益,令各行業發展免受阻,夠鐘才去槓桿,順手將問題環節撥亂反工,將不滿嘅勢力清除,舖平路又派餅,從而形成Z型發展模式。

相關新聞:【名家搶先睇】共襄善舉不是「夾錢」(張亮)

習總上任至今,坐穩後按時序14年開始派餅、15年中開始清洗、17年再派餅、18年又再清洗,形成循環。向好嘅方面諗,中央去到而家仍出手打壓行業,證明冇擔心爆煲,周期行之有效,未作改動。期望未來幾個月,清洗完,會見到新一輪派餅嘅開始。

晉佳

https://www.facebook.com/advanceguy1

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載