› 選擇地區
三藩市
紐約
洛杉磯
其他美國地區
香港 台灣 北美
 
2018年10月07日

【大灣區獨有風景】北上創業秘訣「都係要講關係」

在大灣區創業的港人謝智衡指,在大陸飲酒食飯打關係,只是表面,更多是生活方面關心對方「中國係好鍾意咁做。」(蘋果日報)
建立時間 (HKT): 1007 21:01

幾時都話,識人絕對好過識字,北上創業不打好關係,就算有錢搭高鐵北上,無人脈的話只會好高速地被打回頭。

相關新聞:【大灣區獨有風景】貿易戰影響大灣區Startup

科研工程出身的謝智衡,承認本身不善交際,在內地就必需花力氣學習如何跟投資者、合作伙伴維持關係,「飲酒食飯吹水只係表面,我哋有個Partner好識打關係,更多係生活方面,平時關心一下對方,例如小朋友點呀、生活點呀,中國係好鍾意咁做。」

他指著辦公室內的茶具說「茶具係一定要有,佢哋鍾意坐係度飲茶,建立關係是超越合作,不只商業利益,要在個人方面,咁先會有較強的基礎。」

相關新聞:【大灣區獨有風景】高鐵客量不似預期 旅客揀直通巴更舒服

開始的時候要在內地建立人脈是困難的,但謝智衡認為這是必需,因為神州大地,有好人有壞人,騙財騙技術的個案多的是,因此結識可信的伙伴非常重要,否則隨時一敗塗地,「我哋引入投資者,不只看錢,仲要睇佢有無網絡,例如佢同十幾間醫院有關係,咁呢十幾間醫院就係你第一個關係網,然後再發展開去。」謝智衡深信找到第一批可信的伙伴,往後再發展的關係網絡,自然會較為可信。

大灣區規劃會爛尾收場?

可是,中國政策一時一樣,例如上海自貿區爛尾收場、北上開廠的港商又曾被用完即棄,大灣區又可會步後塵?謝智衡暫時仍偏向樂觀,但認為規劃成功與否,要看各城市之間的合作,例如區內有多個國際機場是否重疊、資金流通如何更好、各地專才可否自由流通等。

謝智衡認為,在內地做科研,一定要有被「抄考」的準備,「無論你幾擔心被抄,申請幾多Patent,都一定要快,當你公開申請第一個專利技術,就要有第二個技術準備,別人抄我唔緊要,因我已有用戶基礎、有新產品,仍走在你之前。」但他強調,公司關鍵的技術代碼,始終只有香港核心員工才可接觸得到。

記者︰鍾耀恆

全球樓行 Dream House零距離
https://hk.feature.appledaily.com/overseasproperty

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載