蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年10月12日

【李華華online】新股女王揭開事業新一頁

7,936
鍾絳虹(圖)話下周一會向外交待新動向
建立時間 (HKT): 1012 18:05

本港新股市場歷盡高山低谷,惟獨中央證券登記董事總經理鍾絳虹(Pamela)穩坐新股一姐地位,不過今日傳來消息,Pamela早排已遞上辭職信,即將離開呢間服務咗25年嘅機構,並於今日last day。咁突然,賓架同律師們都議論紛紛。華華向新股女王求證,佢就話不予置評,但會喺下周一(12日)同大家交待新動向。

Pamela 1993年加入中央證券登記,由客戶經理做起,見證新股市場廿幾年歷史,經佢處理的新股上市宗數至少500、600隻,並力推新股創新,例如eIPO,憑做事盡責又口密,被投行及律師等冠以「IPO Queen(新股女王)」稱號。

跟Pamela認識咗10年嘅ibanker話,聽到佢離職嘅消息覺得好驚訝,「Pamela係中央證券嘅『生招牌』,喺行內嘅『一姐』,冇人可取代到佢嘅地位。」佢話Pamela好有經驗,IPO過程畀好多有用嘅意見,而且畀嘅服務同意見,遠遠超出佢職責所在,做人又有交帶,無論咩時候搵佢,佢都會盡快回覆,「最好唔好退休啦!」

近兩年Pamela迷上到日本旅遊,每隔幾個月就一個人「返」日本,專去「山旮旯」找尋隱世溫泉,甚至在當地投資物業。大家最關心佢係咪打算退休,環遊日本?路邊消息透露,新股女王仲好有幹勁,想喺事業上有新作為,無諗過退休,而且佢做咗新股廿幾年,點都有情意結,所以好大機會繼續做「新股女王」,各位賓架可以放心!究竟佢最新動係點,就留待下周佢親自宣佈,大家就拭目以待啦!

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載